സൽമാന്റെ പുതിയ ചിത്രമായ ‘കിസി കാ ഭായ് കിസി കി ജാന്റെ’ പുതിയ ഗാനത്തിന്റെ വീഡിയോ റിലീസ് ചെയ്തു. പ്രേക്ഷകരെ ആവേശത്തിലാക്കാൻ ഗാനത്തിൽ അതിഥിയായി രാം ചരണും എത്തുന്നുണ്ട്. തെലുങ്ക് സ്റ്റൈലിൽ കളർ ഫുൾ രീതിയിലാണ് ഗാനം ചിത്രീകരിച്ചിരിക്കുന്നത്. മുണ്ടുടുത്ത് മാസ് ലുക്കിലാണ് സൽമാനും സംഘവും ഗാനത്തിന് ചുവട് വെച്ചിരിക്കുന്നത്.
പായൽ ദേവാണ് സംഗീത സംവിധാനം. വിശാൽ ദദ്ലാനിയും പായൽ ദേവും ചേർന്നാണ് ഗാനം ആലപിച്ചിരിക്കുന്നത്. വരികൾ എഴുതിയിരിക്കുന്നത് ഷബീർ അഹമ്മദാണ്. യെങ്കമ്മ.. എന്നു തുടങ്ങുന്ന ഗാനം ഇതിനോടകം തന്നെ ട്രെന്റിംഗ് ലിസ്റ്റിലും ഇടംപിടിച്ചിട്ടുണ്ട്.
തെലുങ്ക് താരങ്ങളായ വെങ്കിടേഷ് ദഗ്ഗുബട്ടി, ജഗപതി ബാബു എന്നിവരാണ് ചിത്രത്തിലെ മറ്റ് അഭിനേതാക്കൾ. മാസ് ആക്ഷൻ രംഗങ്ങൾ കൊണ്ടും ചടുലമായ നൃത്തരംഗങ്ങൾകൊണ്ടും സമ്പന്നമായിരിക്കും കിസി കാ ഭായ് കിസി കി ജാനെന്നാണ് ആരാധകർ പറയുന്നത്.
Comments