പമ്പയിൽ അയ്യന് ആറാട്ട്; സന്നിധാനത്ത് കൊടിയിറക്കം; വിഷുക്കണി ദർശനം 15-ന് രാവിലെ അഞ്ചിന്

പത്തനംതിട്ട: ഉത്രം ഉത്സവത്തിന് കൊടിയിറങ്ങി. ബുധനാഴ്ച രാവിലെ 11.30-ന് ആയിരുന്നു പമ്പാ നദിയിലെ സ്‌നാനഘട്ടത്തിൽ ആറാട്ട്. തന്ത്രി കണ്ഠര് മഹേഷ് മോഹനര്, മേൽശാന്തി കെ.ജയരാമൻ നമ്പൂതിരി എന്നിവർ മുഖ്യകാർമ്മികത്വം വഹിച്ചു.

ബുധനാഴ്ച രാവിലെ ഒമ്പതോടെ സന്നിധാനത്ത് നിന്ന് പമ്പയിലേക്ക് ഘോഷയാത്ര ആരംഭിച്ചു. ആറാട്ടിന് ശേഷം അയ്യപ്പവിഗ്രഹം പമ്പ ഗണപതി ക്ഷേത്രത്തിൽ പ്രത്യേകം തയ്യറാക്കിയ മണ്ഡപത്തിലിരുത്തി പറ സമർപ്പണം നടന്നു. നാലരയോടെ ഘോഷയാത്ര സന്നിധാനത്തേയ്‌ക്ക് തിരിച്ചു. രാത്രി എട്ടോടെ ഉത്സവത്തിന് സമാപണം കുറിച്ച കൊടിയിറങ്ങി. രാത്രി ഹരിവരാസനം പാടി നട അടച്ചു.

വിഷുക്കണി ദർശനത്തിന് 14-ന് വൈകുന്നേരം അഞ്ചിന് നട തുറക്കും. 15-ന് രാവിലെ അഞ്ചിന് വിഷുക്കണി ദർശനം.