കാളിദാസന്റെ ‘അഭിജ്ഞാന ശാകുന്തളം’ എന്ന കൃതിയെ ആസ്പദമാക്കി ഗുണശേഖർ സംവിധാനം ചെയ്യുന്ന ബ്രഹ്മാണ്ഡ ചിത്രമാണ് ശാകുന്തളം. സാമന്തയുടെ മികച്ച വേഷങ്ങളിലൊന്നാകും ശകുന്തളയെന്ന് അഭിപ്രായങ്ങളുണ്ട്. പാൻ ഇന്ത്യൻ ചിത്രമായാണ് ശാകുന്തളം റിലീസ് ചെയ്യുന്നത്. ഏപ്രിൽ 14-ന് പ്രദർശനത്തിനെത്തുന്ന സിനിമയുടെ സെക്കന്റ് ടീസർ പുറത്തിറക്കിയിരിക്കുകയാണ് അണിയറ പ്രവർത്തകർ. ഗുണശേഖർ തന്നയാണ് ചിത്രത്തിന്റെ രചന നിർവ്വഹിച്ചിരിക്കുന്നതും. ആദ്യ ട്രെയിലർ പോലെ തന്നെ ശ്രദ്ധ നേടുകയാണ് പുതിയ ട്രെയിലറും. പ്രണയത്തിന്റെ തീവ്രത വെളിപ്പെടുത്തുന്നതാണ് പുതിയ ട്രെയിലർ.
3ഡി ദൃശ്യ ഭംഗിയോടെയും ശാകുന്തളം റിലീസ് ചെയ്യുന്നുണ്ട്. അല്ലു അർഹ, സച്ചിൻ ഖേഡേക്കർ, കബീർ ബേദി, ഡോ. എം മോഹൻ ബാബു, പ്രകാശ് രാജ്, മധുബാല, ഗൗതമി, അദിതി ബാലൻ, അനന്യ നാഗല്ല, ജിഷു സെൻഗുപ്ത തുടങ്ങിയവരാണ് മറ്റു കഥാപാത്രങ്ങളെ അവതരിപ്പിക്കുന്നത്. ഗുണ ടീം വർക്സിന്റെ ബാനറിൽ നീലിമ ഗുണ നിർമ്മിച്ചിരിക്കുന്ന ചിത്രം തിയറ്ററിലെത്തിക്കുന്നത് ശ്രീ വെങ്കടേശ്വര ക്രിയേഷൻസിന്റെ ബാനറിൽ ദിൽ രാജുവാണ്.
മണി ശർമ്മ സംഗീതം പകരുന്ന ചിത്രത്തിന്റെ എഡിറ്റിംഗ് പ്രവീൺ പുടിയാണ്. ഛായാഗ്രഹണം- ശേഖർ വി ജോസഫ്, കലാസംവിധാനം- അശോക്, വിഎഫ്എക്സ്- അളകസാമി മയൻ, വരികൾ- ചൈതന്യ പ്രസാദ്, ശ്രീമണി, നൃത്തസംവിധാനം-രാജു സുന്ദരം, സംഘട്ടനം-വെങ്കട്, കിംഗ് സോളമൻ എന്നിവരാണ് മറ്റ് അണിയറ പ്രവർത്തകർ. മലയാളം ഉൾപ്പെടെയുള്ള ഭാഷകളിലാണ് സിനിമ റിലീസ് ചെയ്യുന്നത്.
Comments