കർഷകരുടെ ക്ഷേമത്തിനും സ്ഥിരതയുള്ള നേട്ടത്തിനുമായി കേന്ദ്ര സർക്കാർ പദ്ധതി ആവിഷ്‌കരിക്കുന്നു. ദേശീയ കാർഷിക വിപണി,ഇ-നാം പദ്ധതിയിൽ രജിസ്റ്റർ ചെയ്തത് 1.75 ലക്ഷം പേർ. കർഷകർക്ക് പരമാവധി പ്രയോജനം ലഭിക്കാനും ഉത്പന്നങ്ങൾ വിപണനം ചെയ്യുന്ന രീതി പരിഷ്‌കരിക്കാനും എട്ട് സംസ്ഥാനങ്ങളിലാണ് പദ്ധതി ആരംഭിച്ചത്.
നിലവിൽ 22 സംസ്ഥാനങ്ങളിലും മൂന്ന് കേന്ദ്ര ഊരണ പ്രദേശങ്ങളിലുമായി 1260 വിപണികളാണ് പദ്ധതിയിലുള്ളത്. 2,43,193 വ്യാപാരികൾ ഇ-നാമിൽ രജിസ്റ്റർ ചെയ്തിട്ടുണ്ട്. 2,433 എഫ്പിഒകളും രജിസ്റ്റർ ചെയ്തിട്ടുണ്ട്. കിസാൻ ഇ-നാം പോർട്ടലിൽ സൗജന്യമായി രജിസ്റ്റർ ചെയ്യാവുന്നതാണ്. കർഷകർക്ക് അവരുടെ ഉത്പന്നങ്ങൾ ഇ-നാം മണ്ഡികളിലൂടെ ഓൺലൈനായി വിൽപന നടത്താവുന്നതാണ്. വ്യാപാരികൾക്ക് ഇ-നാമിലൂടെ ഏത് സ്ഥലത്ത് നിന്നും ലേലം വിളിക്കാമെന്നതും പ്രത്യേകതയാണ്. കാർഷിക ഉത്പന്നങ്ങളുടെ ഇ-ട്രേഡിംഗിനും പ്രോത്സാഹനം നൽകുന്നതാണ്.
2023 ജനുവരി വരെ 2.42 ലക്ഷം കോടിയുടെ വ്യാപാരം നടന്നിട്ടുണ്ട്. 69 ദശലക്ഷം മെട്രിക് ടണ്ണിന്റെ മൊത്ത വ്യാപാരം ഇ-നാം പ്ലാറ്റഫോമിൽ നടന്നിട്ടുണ്ട്. സ്‌മോൾ ഫാർമേഴ്‌സ് അഗ്രി ബിസിനസ് അസോസിയേഷനാണ് പദ്ധതിയുടെ നടത്തിപ്പ്.
