ഡെറാഡൂൺ : സ്ത്രീകൾ അവതരിപ്പിക്കുന്ന രാംലീല കാണാൻ ഹൽദ്വാനിയിലെത്തി ഉത്തരാഖണ്ഡ് മുഖ്യമന്ത്രി പുഷ്കർ സിംഗ് ധാമി. സ്ത്രീകൾ പ്രധാന കഥാപാത്രങ്ങളെ അവതരിപ്പിക്കുന്നതാണ് ഹൽദ്വാനിയിലെ രാംലീലയുടെ പ്രത്യേകത. രാംലീല പരിപാടിയിൽ പങ്കെടുത്ത ശേഷം ഭഗവാൻ ശ്രീരാമന്റെ അനുഗ്രഹം വാങ്ങി, സംസ്ഥാനത്തെ ജനങ്ങളുടെ ഐശ്വര്യത്തിനായി പ്രാർത്ഥിച്ചെന്നും അദ്ദേഹം ട്വീറ്റിൽ കുറിച്ചു.
“ഇന്ന്, ഹൽദ്വാനിയിലെ സത്രികൾ അവതരിപ്പിച്ച രാംലീല പരിപാടിയിൽ പങ്കെടുത്ത്, ശ്രീരാമന്റെ അനുഗ്രഹം വാങ്ങിയെന്നും ജനങ്ങളുടെ ഐശ്വര്യത്തിനായി പ്രാർത്ഥിച്ചെന്നും അദ്ദേഹം പറഞ്ഞു. ഇന്നത്തെ കാലഘട്ടത്തിൽ, സ്ത്രീകൾ എല്ലാ മേഖലയിലും മുന്നേറുകയാണ്. അത്തരം സംഭവങ്ങൾ ശക്തമായ മാതൃശക്തിയുടെ പ്രത്യക്ഷ ഉദാഹരണമാണെന്നും ഇത് രാജ്യത്തിന്റെ അഭിമാനവും അന്തസും വർദ്ധിപ്പിക്കുകയാണെന്നും ” ധാമി രാംലീല പരിപാടിയിൽ പങ്കെടുത്ത ശേഷം ട്വീറ്റിൽ ധാമി കുറിച്ചു.
റാണി ലക്ഷ്മിഭായി, ജീജാബായി, അഹല്യഭായ് ഹോൾക്കർ, സതി സാവിത്രി തുടങ്ങി നിരവധി സ്ത്രീകൾ തങ്ങളുടെ കഴിവുകൊണ്ട് കാലാകാലങ്ങളിൽ ഇത് തെളിയിച്ചിട്ടുണ്ടെന്നും നമ്മുടെ പൈതൃകത്തിൽ അമ്മയുടെ സ്ഥാനം വളരെ വലുതാണെന്നും അദ്ദേഹം പറഞ്ഞു. പ്രധാനമന്ത്രി നരേന്ദ്രമോദിയുടെ നേതൃത്വത്തിൽ ഇന്ന് ഇന്ത്യ പൈതൃകത്തിലേയ്‌ക്കും സംസ്‌കാരത്തിലേയ്‌ക്കും തിരിച്ചു മടങ്ങുകയാണെന്നും അദ്ദേഹം പറഞ്ഞു.
