മുംബൈ: മുംബൈ ലോക്കൽ ട്രെയിനുകളിൽ സാങ്കേതിക തകരാറുകൾ ഉണ്ടായതിനെ തുടർന്ന് ട്രെയിൻ സർവീസുകൾ മുടങ്ങി. പശ്ചിമ റെയിൽവേ ട്രെയിനുകളുടെ സർവീസാണ് മുടങ്ങിയത്. തുടർന്ന് ചില ട്രെയിനുകൾ വഴി തിരിച്ചു വിടുകയും ചെയ്തു. ദഹിസറിനും ബോറിവലിക്കും ഇടയിൽ രാവിലെ പത്ത് മണിയോടെയാണ് സംഭവം.
ചർച്ച് ഗേറ്റിലേക്കുള്ള വഴിയിലെ ദഹിസറിനും ബോറിവാലിക്കും ഇടയിൽ ഓവർഹെഡ് വയർ പൊട്ടിയതിനെ തുടർന്നുള്ള സാങ്കേതിക തകരാർ മൂലം മുംബൈ സബർബൻ ലോക്കൽ ട്രെയിൻ സർവീസുകളുടെ മുടങ്ങിയതായി പശ്ചിമ റെയിൽവേ അധികൃതർ അറിയിച്ചു. ട്രെയിനിന്റെ ഓവർ ഹെഡ് എക്യുപ്മെന്റ് വയർ പൊട്ടുകയായിരുന്നു. ഉടൻ തന്നെ റെയിൽവേ സ്റ്റേഷനിൽ നിന്ന് സാങ്കേതിക വിഭാഗത്തിലെ ഉദ്യോഗസ്ഥർ എത്തുകയും തകരാർ പരിഹരിക്കുകയും ചെയ്തു.
സംഭവത്തെ തുടർന്ന് മൂന്ന് ട്രെയിനുകൾ റദ്ദാക്കുകയും മറ്റുള്ളവ വഴി തിരിച്ചുവിടുകയും ചെയ്തതായി ഉദ്യോഗസ്ഥർ പറഞ്ഞു. മാസങ്ങൾക്ക് മുൻപും മുംബൈയിലെ ജൂയി നഗർ റെയിൽവേയിൽ സാങ്കേതിക തകരാർ നേരിട്ടതായി സെൻട്രൽ റെയിൽവേ ഉദ്യോഗസ്ഥർ അറിയിച്ചു.
Comments