തെലുങ്കിലെ യുവതാരം അഖിൽ അഖിനേനിയും മമ്മൂട്ടിയും ആദ്യമായി ഒരുമിക്കുന്ന ചിത്രം ഏപ്രിൽ 28നു മലയാളം, തെലുങ്ക്, ഹിന്ദി, തമിഴ്, കന്നഡ ഭാഷകളിൽ ലോകവ്യാപകമായി റിലീസ് ചെയ്യും. ഏജന്റ് പ്രൊമോഷൻ ഇന്റർവ്യൂവിൽ അഖിൽ അഖിനേനി മമ്മൂട്ടിയെക്കുറിച്ചു പങ്കുവച്ച കാര്യങ്ങൾ ഇപ്പോൾ സോഷ്യൽ മീഡിയയിൽ വൈറലാണ്.
മമ്മൂട്ടിയ്ക്കൊപ്പമുള്ള അഭിനയം ജീവിതത്തെ മാറ്റിമറിച്ച അനുഭവമായിരുന്നുവെന്ന് അഖിൽ പറഞ്ഞു. “അദ്ദേഹത്തിന്റെ സ്ക്രീൻ പ്രെസൻസ് അതിശയിപ്പിക്കുന്നതാണ്. അദ്ദേഹത്തിനു ചുറ്റും വലിയ പ്രഭാവലയം ഉണ്ട്, ഞാൻ അദ്ദേഹത്തെ അനുകരിക്കാൻ ശ്രമിക്കുകയാണ് . അദ്ദേഹം ഒരു സൂപ്പർ-സീനിയർ ആണ്, എനിക്ക് പ്രഷർ ഏറെയായിരുന്നു . എന്റെ അഭിനയം ഏറ്റവും മികച്ചതാക്കാൻ ഞാൻ ഒരുപാട് ശ്രമിച്ചു. അദ്ദേഹം ജോലി ചെയ്യുന്നത് കാണുന്നത് തന്നെ ഒരു ബഹുമതിയായിരുന്നു, ”അഖിൽ അക്കിനേനി പറയുന്നു
“അദ്ദേഹമല്ലാതെ മറ്റാരെയും റോ മേധാവിയായി ഞങ്ങൾക്ക് ചിന്തിക്കാൻ കഴിഞ്ഞില്ല. അദ്ദേഹം ഇതിനുമുമ്പ് ഇതുപോലെ ഒന്നും ചെയ്തിട്ടില്ല, അദ്ദേഹത്തിന്റെ സാന്നിധ്യം ഒരു ഊർജ്ജം പ്രസരിപ്പിക്കുന്നു, , സിനിമയിൽ അദ്ദേഹമാണ് എന്റെ ആരാധനാപാത്രം,” അഖിൽ പറയുന്നു.
“ഏജന്റിൽ റോ ചീഫ് ആയാണ് മമ്മൂട്ടി സാർ അഭിനയിക്കുന്നത്. അദ്ദേഹത്തിന്റെ ടീമിലാണ് താനെന്നും അദ്ദേഹവുമായി ഒരുമിച്ചുള്ള ഒരുപാടു ആക്ഷൻ സീനുകൾ ഉള്ള ചിത്രമാണ് ഏജന്റെന്നും “ അഖിൽ പറഞ്ഞു .
സുരേന്ദർ റെഡ്ഡി രചനയും സംവിധാനവും നിർവ്വഹിക്കുന്ന ഈ ചിത്രത്തിൽ നവാഗതയായ സാക്ഷി വൈദ്യ നായികാ വേഷം ചെയ്തിരിക്കുന്നു. ഹിപ്പോപ്പ് തമിഴാ സംഗീത സംവിധാനം നിർവഹിച്ചിരിക്കുന്ന ഈ ചിത്രത്തിന് ക്യാമറ ചലിപ്പിച്ചത് രാകുൽ ഹെരിയനും എഡിറ്റ് ചെയ്തിരിക്കുന്നത് നവീൻ നൂലിയുമാണ്. ആക്ഷൻ രംഗങ്ങൾക്ക് ഏറെ പ്രാധാന്യമുള്ള ഈ ചിത്രത്തിന് വേണ്ടി വമ്പൻ മേക്കോവറാണ് അഖിൽ അക്കിനേനി നടത്തിയിരിക്കുന്നത്.
Comments