ഹൈദരാബാദ് : തെലുങ്ക് നടൻ അല്ലു രമേഷ് അന്തരിച്ചു. വിശാഖപട്ടണത്തെ വസതിയിൽ വെച്ച് ശാരീരികാസ്വാസ്ഥ്യമുണ്ടായതിനെ തുടർന്ന് ആശുപത്രിയിൽ പ്രവേശിപ്പിച്ചുവെങ്കിലും ജീവൻ രക്ഷിക്കാനായില്ല. ഹൃദയാഘാതത്തെ തുടർന്നായിരുന്നു അന്ത്യം.
സംവിധായകൻ ആനന്ദ് രവി അടക്കമുള്ള സിനിമപ്രവർത്തകരും പ്രമുഖരം നടന്റെ അപ്രതീക്ഷിത വിയോഗത്തിൽ അനുശോചനം രേഖപ്പെടുത്തി. 2001-ൽ പുറത്തിറങ്ങിയ ചിരജല്ലു എന്ന ചിത്രത്തിലൂടെയാണ് അല്ലു രമേഷ് സിനിമയിലേക്ക് അരങ്ങേറ്റം കുറിച്ചത്. പിന്നീട് തൊളു ബൊമ്മലാട്ട, മധുര വൈൻസ്, വീഥി, ബ്ലേഡ്, ബാജി, നെപ്പോളിയൻ തുടങ്ങി നിരവധി ചിത്രങ്ങളിൽ അദ്ദേഹം തന്റെ പ്രതിഭ തെളിയിച്ചു. അമ്പതോളം സിനിമകളിലാണ് അദ്ദേഹം വേഷമിട്ടിരിക്കുന്നത്.
