എറണാകുളം: തെന്നിന്ത്യൻ സിനിമ ഡാൻസ് കൊറിയോ ഗ്രാഫർ രാജേഷ് മാസ്റ്റർ അന്തരിച്ചു. മരണകാരണം അധികൃതർ പുറത്ത് വിട്ടിട്ടില്ല.നിരവധി സിനിമകൾക്ക് കൊറിയോഗ്രാഫിചെയ്ത അദ്ദേഹത്തിന്റെ അപ്രതീക്ഷിത വിയോഗത്തിൽ ഞെട്ടിയിരിക്കുകയാണ് സഹപ്രവർത്തകർ.
ദേവിചന്ദന, ബീന ആന്റണി, ടിനി ടോം തുടങ്ങിയവരും ഫെഫ്കയും മാസ്റ്റർക്ക് ആദരാഞ്ജലി അർപ്പിച്ചു. ‘വിശ്വസിക്കാൻ കഴിയുന്നില്ല. എന്തിന് വേണ്ടി ഇങ്ങനെ ചെയ്തു രാജേഷ്, ഒരുനിമിഷത്തെ വികൽപ്പമായ ചിന്തകൾ നമ്മുടെ ജീവിതം തകർത്ത് കളയുന്നു’- എന്ന് ബീന ആന്റണി കുറിച്ചു.’ശരിക്കും ഷോക്കായിപ്പോയി. രാജേഷ് മാസ്റ്റർ നമ്മളെ വിട്ട് പോയെന്ന് വിശ്വസിക്കാനാവുന്നില്ല. ഇന്നലെ കിട്ടിയത് നിങ്ങളുടെ അവസാനത്തെ മെസ്സേജാണെന്ന് എനിക്ക് വിശ്വസിക്കാനാവുന്നില്ലായെന്ന് ദേവി ചന്ദന കുറിച്ചു.
ഫെഫ്ക ഡാൻസേഴ്സ് യൂണിയൻ എക്സിക്യൂട്ടീവ് മെമ്പറാണ് രാജേഷ് മാസ്റ്റർ. മാസ്റ്ററുടെ വിയോഗത്തിൽ ഞെട്ടിയിരിക്കുകയാണ് സിനിമാ സഹപ്രവർത്തകർ. ഇലക്ട്രോ ബാറ്റിൽസ് എന്ന ഡാൻസ് ഗ്രൂപ്പിന്റെ സ്ഥാപകനായ മാസ്റ്റർക്ക് സിനിമയ്ക്ക് അകത്ത് ധാരാളം ശിഷ്യരുണ്ട്. സ്റ്റാർനെറ്റ് ഷോകളുമായി ബന്ധപ്പെട്ട് നിരവധി രാജ്യങ്ങൾ അദ്ദേഹം സന്ദർശിച്ചിട്ടുണ്ട്. ഷോകൾക്കുവേണ്ടി രൂപകൽപന ചെയ്ത ചുവടുകളിലൂടെ പ്രേക്ഷകരുടെയും അഭിനേതാക്കളുടെയും പ്രയപ്പെട്ട കൊറിയോഗ്രാഫറായി അദ്ദേഹം മാറി. തങ്ങളുടെ പ്രശസ്തനായ ഡാൻസ് മാസ്റ്റർക്ക് ആദരാഞ്ജലികൾ അർപ്പിക്കുന്നുവെന്ന് ഫെഫ്ക കുറിപ്പ് പങ്കുവെച്ചു.
Comments