ന്യൂഡൽഹി : പരശുരാമ ജയന്തിദിനത്തിൽ രാജ്യത്തെ ജനങ്ങൾക്ക് ആശംസകൾ നേർന്ന് പ്രധാനമന്ത്രി നരേന്ദ്ര മോദി. ഒപ്പം അക്ഷയതൃതീയ ആശംസയും അദ്ദേഹം അറിയിച്ചു.
आप सभी को भगवान परशुराम जयंती की हार्दिक शुभकामनाएं। मेरी कामना है कि उनकी कृपा से हर किसी का जीवन साहस, विद्या और विवेक से परिपूर्ण हो।
— Narendra Modi (@narendramodi) April 22, 2023
“പരശുരാമ ജയന്തി ദിനത്തിൽ എല്ലാവർക്കും ആശംസകൾ. അദ്ദേഹത്തിന്റെ കൃപയാൽ എല്ലാവരുടെയും ജീവിതം അറിവും വിവേകവും ധൈര്യവും നിറഞ്ഞതായിരിക്കട്ടെ എന്ന് ഞാൻ ആശംസിക്കുന്നു.”പ്രധാനമന്ത്രി മോദി പറഞ്ഞു.
മറ്റൊരു ട്വീറ്റിൽ ” എല്ലാവർക്കും അക്ഷയ തൃതീയ ആശംസകൾ. ജീവകാരുണ്യ പ്രവർത്തനങ്ങളുടെയും ഐശ്വര്യപ്രദമായ പ്രവർത്തനങ്ങളുടെയും പാരമ്പര്യവുമായി ബന്ധപ്പെട്ടിരിക്കുന്ന ഈ മഹത്തായ ഉത്സവം എല്ലാവരുടെയും ജീവിതത്തിൽ സന്തോഷവും സമൃദ്ധിയും നല്ല ആരോഗ്യവും നൽകട്ടെയെന്ന് ഞാൻ ആശംസിക്കുന്നു,” പ്രധാനമന്ത്രി ട്വീറ്റ് ചെയ്തു.
ഭഗവാൻ മഹാവിഷ്ണുവിന്റെ ആറാമത്തെ അവതാരമാണ് ചിരജ്ഞീവിയായ ശ്രീ പരശുരാമൻ. അദ്ദേഹത്തിന്റെ ജന്മദിനമാണ് പരശുരാമ ജയന്തിയായി ആഘോഷിക്കുന്നത്. വൈശാഖ മാസത്തിലെ ശുക്ല പക്ഷത്തിലെ തൃതീയയിൽ ഇത് വരുന്നു. ഈ ദിവസം അക്ഷയ തൃതീയ എന്നും അറിയപ്പെടുന്നു. ഭൂമിയുടെ ഭാരം നശിപ്പിക്കാനും എല്ലാ തിന്മകളും ഇല്ലാതാക്കാനും പരശുരാമൻ അവതരിച്ചു. ഈ ദിവസത്തെ ഉപവാസം എല്ലാവർക്കും വളരെ പ്രയോജനപ്രദമാണ്. ഈ ദിവസം ഹൈന്ദവ സംസ്കാരത്തിന്റെ സുവർണ്ണ കാലഘട്ടത്തിന്റെ തുടക്കം കുറിക്കുകയും ഭാരതത്തിന്റെ എല്ലാ ഭാഗങ്ങളിലും സന്തോഷത്തോടെയും ആഘോഷിക്കുകയും ചെയ്യുന്നു. പരശുരാമ ജയന്തി ദിനത്തിൽ ദാനധർമ്മങ്ങൾ നടത്തുന്നത് പുണ്യദായകമാണ്.
Comments