സൂറത്ത്: രാജ്കോട്ടിലെ ബാലാജി ഹനുമാൻ ക്ഷേത്രത്തിലെ ശുചീകരണയജ്ഞത്തിൽ പങ്കെടുത്ത് ഗുജറാത്ത് മുഖ്യമന്ത്രി ഭൂപേന്ദ്ര പട്ടേൽ. തുടർന്ന് ക്ഷേത്രത്തിലെ ആരതിയിൽ പങ്കെടുക്കുകയും ശുചീകരണതൊഴിലാളികളുമായി സംവദിക്കുകയും ചെയ്തു. മന്ത്രിമാരും സംസ്ഥാന ബിജെപി അദ്ധ്യക്ഷൻ സി ആർ പട്ടീലും ബിജെപിയിലെ മറ്റ് നേതാക്കളും ശുചീകരണത്തിൽ പങ്കെടുത്തു.
ക്ഷേത്രങ്ങളിലെ മഹാസഫായി അഭിയാൻ എന്നാണ് ശുചീകരണയജ്ഞത്തിന് പേരിട്ടിരിക്കുന്നത്. ക്ഷേത്രങ്ങളിലെ ശുചീകരണജ്ഞങ്ങളിലെല്ലാം കാബിനറ്റ് മന്ത്രിമാരുടെ പങ്കാളിത്തമുണ്ടായിരുന്നു. പ്രധാനമന്ത്രിയുടെ അഭ്യർത്ഥന പ്രകാരം ബിജെപിയുടെ പല സംസ്ഥാനഘടകങ്ങളും ശുചീകരണത്തിൽ പങ്കെടുത്തു.
സാർവത്രിക ശുചിത്വം കൈവരിക്കുന്നതിനുള്ള ശ്രമങ്ങൾ ത്വരിതപ്പെടുത്തുന്നതിനും ശുചിത്വത്തിൽ ശ്രദ്ധ കേന്ദ്രീകരിക്കുന്നതിനും ലക്ഷ്യമിടുന്ന സ്വച്ഛ് ഭാരത് മിഷൻ മോദി സർക്കാരിന്റെ പ്രധാന പരിപാടികളിലൊന്നാണ്. പ്രധാനമന്ത്രി നരേന്ദ്ര മോദി 2014 ഒക്ടോബർ 2-ന് സ്വച്ഛ് ഭാരത് മിഷൻ ആരംഭിച്ചു.
