സൂപ്പർ കോമഡി ചിത്രമായ രോമാഞ്ചത്തിന് ശേഷം അർജുൻ അശോകൻ നായകനായെത്തുന്ന പുതിയ ചിത്രം പ്രഖ്യാപിച്ചു. ‘ഓളം’എന്നാണ് അർജുന്റെ പുതിയ ചിത്രത്തിന്റെ പേര് വി എസ് അഭിലാഷിനൊപ്പം നടി ലെനയും ചേർന്നാണ് ചിത്രത്തിന് തിരക്കഥ ഒരുക്കിയിരിക്കുന്നത്. അർജുൻ അശോകന്റെ വ്യത്യസ്തമായ വേഷപ്പകർച്ചയിലുള്ള പോസ്റ്ററാണ് ചിത്രത്തിന്റെ അണിയറപ്രവർത്തകർ പുറത്തുവിട്ടിരിക്കുന്നത്.
ജീവിതവും ഫാന്റസിയും ചേർന്നുള്ള സസ്‌പെൻസ് ത്രില്ലറാണ് ഓളം. പുനത്തിൽ പ്രൊഡക്ഷൻസിന്റെ ബാനറിൽ വിഎസ് അഭിലാഷാണ് ചിത്രം സംവിധാനം ചെയ്യുന്നത്. ഛായാഗ്രഹണം നീരജ് രവി &അഷ്‌കർ. എഡിറ്റിംഗ് ഷംജിത്ത് മുഹമ്മദ്. സൗണ്ട് ഡിസൈനർ രംഗനാഥ് രവി.മ്യൂസിക് ഡയറക്ടർ അരുൺ തോമസ്.
അർജുൻ അശോകൻ, ലെന,ബിനു പപ്പു, ഹരിശ്രീ അശോകൻ, നോബി മാർക്കോസ്, സുരേഷ്ചന്ദ്രമേനോൻ, പൗളി വത്സൻ തുടങ്ങിയവരാണ് മറ്റ് പ്രധാന കഥാപാത്രങ്ങളായി എത്തുന്നത്. കോ-പ്രൊഡ്യൂസർ സേതുരാമൻ കൺകോൾ. ലൈൻ പ്രൊഡ്യൂസർ വസീം ഹൈദർ. ഗ്രാഫിക് ഡിസൈനർ കോക്കനട്ട് ബഞ്ച്. ചീഫ് അസോസിയേറ്റ് ഡയറക്ടർ മിറാഷ് ഖാൻ, അംബ്രോവർഗീസ്. ആർട് ഡയറക്ടർ വേലു വാഴയൂർ.
