ദിസ്പൂർ: പ്രധാനമന്ത്രിയുടെ മുദ്രാവാക്യം ‘വോക്കൽ ഫോർ ലോക്കൽ’ യാഥാർത്ഥ്യമാക്കി രംഗോലി ഫെസ്റ്റിവൽ. അസം സർക്കാരും വിവിധ മന്ത്രാലയങ്ങളും ചേർന്ന് തയാറാക്കിയിരിക്കുന്ന രംഗോലി ഫെസ്റ്റിവൽ അതിന്റെ ഏഴാം പതിപ്പിലേക്ക് കടന്നിരിക്കുകയാണ്. ഗുവാഹത്തിയിൽ ആരംഭിച്ച ഫെസ്റ്റിവൽ വടക്ക് കിഴക്കൻ മേഖലയിലെ സംരഭകരുടെ ഉത്പന്നങ്ങൾ ഉപഭോക്താക്കൾക്ക് പരിചയപ്പെടുത്താനുള്ള അവസരം ഒരുക്കുന്നു.
ഏപ്രിൽ 20-മുതലാണ് ഗുവാഹത്തിയിൽ രംഗോലി ഫെസ്റ്റിവൽ ആരംഭിച്ചത്. നിരവധി സംരംഭകർ രംഗോലി ഫെസ്റ്റിൽ ഭാഗമായി. വൈവിദ്ധ്യങ്ങളുടെ പ്രദർശന വേദിയായിരിക്കുകയാണ് രംഗോലി ഫെസ്റ്റിവൽ.
‘മേളയിൽ പങ്കെടുക്കാൻ കഴിഞ്ഞതിൽ സന്തോഷമുണ്ട്. സ്വയം സഹായ സംഘങ്ങളുടെ ഉൽപന്നങ്ങൾക്കൊപ്പം തങ്ങളുടെ ഉൽപന്നങ്ങളും പ്രദർശിപ്പിക്കാൻ കഴിഞ്ഞു’. സാധാരണക്കാരെ മുൻധാരയിലേക്ക് കൊണ്ടുവരാൻ പ്രധാനമന്ത്രി മുന്നോട്ടുവെക്കുന്ന വോക്കൽ ഫോർ ലോക്കൽ മുദ്രാവാക്യം പ്രാദേശിക സംരംഭകരിൽ പ്രതിഫലിച്ചുവെന്നും മേളയിൽ പങ്കെടുത്ത സംരംഭകർ പ്രതികരിച്ചു.
