തൃശ്ശൂർ: ഗുരുവായൂർ ക്ഷേത്ര ഒഴിവുകളിലേയ്‌ക്ക് ദേവസ്വം അപേക്ഷ ക്ഷണിച്ചു. ക്ഷേത്രത്തിൽ സോപാനം കാവൽ, വനിതാ സെക്യൂരിറ്റി ഗാർഡ് തസ്തികളിലേയ്‌ക്കാണ് അപേക്ഷ ക്ഷണിച്ചത്. 2023 ജൂൺ 5 മുതൽ ഡിസംബർ 4 വരെയാണ് നിയമന കാലാവധി. സോപാനം കാവലിൽ 15 ഒഴിവുകളും വനിതാ സെക്യൂരിറ്റി ഗാർഡിൽ 12 ഒഴിവുകളുമാണ് ഉള്ളത്.
സോപാനം കാവൽ : (എസ്.സി./ എസ്.ടി.ക്ക് 10 ശതമാനം സംവരണം ലഭിക്കും). നിലവിലുള്ള സോപാനം കാവൽക്കാരുടെ അപേക്ഷ പരിഗണിക്കുന്നതല്ല. മികച്ച ശാരീരികക്ഷമതയുള്ള പുരുഷൻമാർക്ക് അവസരം. 2020 ജനുവരി ഒന്നിന് 30-50 വയസ്സ് വരെ പ്രായ പരിധി ആയിരിക്കണം. ശമ്പളം 15,000 രൂപ വരെ. വനിതാ സെക്യൂരിറ്റി ഗാർഡ് ഒഴുവുകളിലേയ്‌ക്ക് ഏഴാംക്ലാസ് ജയിച്ചവർക്കും. അംഗവൈകല്യങ്ങൾ ഇല്ലാത്ത മികച്ച ശാരീരിക ക്ഷമത ഉള്ള വനിതകൾക്ക് അപേക്ഷിക്കാം. പ്രായം 55 നും 60 നും ഇടയിൽ ആയിരിണം.
അപേക്ഷിക്കുന്നവർ വയസ്സ്, യോഗ്യതകൾ, ജാതി, മുൻപരിചയം എന്നിവ തെളിയിക്കുന്ന രേഖകളുടെ സ്വയം സാക്ഷ്യപ്പെടുത്തിയ പകർപ്പുകൾ സഹിതം ദേവസ്വം ഓഫീസിൽ നേരിട്ടോ തപാലിലൊ അപേക്ഷിക്കാം. അഡ്മിനിസ്‌ട്രേറ്റർ, ഗുരുവായൂർ ദേവസ്വം, ഗുരുവായൂർ-680101 എന്ന വിലാസത്തിൽ അപേക്ഷിക്കാം. അപേക്ഷാ ഫോം ദേവസ്വം ഓഫീസിൽനിന്ന് 100 രൂപയ്‌ക്ക് ഏപ്രിൽ 28 വൈകീട്ട്് 3 മണി വരെ ലഭിക്കും.
ജാതി തെളിയിക്കുന്ന സർട്ടിഫിക്കറ്റ് ഹാജരാക്കിയാൽ പട്ടികജാതി/പട്ടികവർഗ വിഭാഗത്തിൽപ്പെട്ടവർക്ക് അപേക്ഷാഫോം സൗജന്യമായി ലഭിക്കും. അസിസ്റ്റന്റ് സർജനിൽ കുറയാത്ത ഗവ. ഡോക്ടറുടെ മെഡിക്കൽ ഫിറ്റ്‌നസ് സർട്ടിഫിക്കറ്റും അപേക്ഷയ്‌ക്കൊപ്പം ഹാജരാക്കണം. അപേക്ഷ സ്വീകരിക്കുന്ന അവസാന തീയതി: ഏപ്രിൽ 29 (5 pm).ഫോണ്‍: 0487-2556335. വെബ്സൈറ്റ്: guruvayurdevaswom.nic.in
