രണ്ടുദിവസമായി സമൂഹ മാദ്ധ്യമങ്ങളിൽ നിറഞ്ഞുനിൽക്കുന്നത് വന്ദേഭാരതാണ്. പ്രധാനമന്ത്രി നരേന്ദ്രമോദി ഫ്ലാഗ് ഓഫ് ചെയ്തതും, കുട്ടികളുമായുള്ള കൂടികാഴ്‌ച്ചയും ട്രെയിനിലെ ഭക്ഷണവും തുടങ്ങി എവിടെയും ചർച്ച വന്ദേഭാരത് തന്നെയായിരുന്നു.
എന്നാൽ ഇതിനൊപ്പം തന്നെ ട്രെയിനിൽ കയറിയ മിക്കയാളുകളുടെയും ഹൃദയം കവർന്ന ഒരു കൊച്ചുപെൺകുട്ടിയുണ്ട്. കുട്ടിയുടെ ക്യൂട്ട് വീഡിയോയാണ് ഇപ്പോൾ സമൂഹമാദ്ധ്യമങ്ങളിൽ വൈറലായിക്കൊണ്ടിരിക്കുന്നത്.
‘ചെത്തിമന്ദാരം തുളസി പിച്ചക മാലകൾ ചാർത്തി’ എന്ന ഗാനം അതിമനോഹരമായി പാടിക്കൊണ്ടാണ് ഈ മിടുക്കി ആളുകൾക്ക് പ്രിയങ്കരിയായി മാറിയത്. പെൺകുട്ടിയുടെ പേരുവിവരങ്ങൾ ഒന്നും വ്യക്തമല്ലെങ്കിലും വീഡിയോ സമൂഹ മാദ്ധ്യമങ്ങളിൽ വൈറലായിക്കൊണ്ടിരിക്കുകയാണ്.
