ന്യൂഡൽഹി: ഓപ്പറേഷൻ കാവേരിയുടെ ഭാഗമായി സുഡാനിൽ നിന്ന് ഒഴിപ്പിച്ച പൗരന്മാരെ ഇന്ത്യയിലേക്ക് തിരികെ കൊണ്ടുവരാൻ സർവ്വീസ് നടത്തുമെന്ന് ഇൻഡിഗോ എയർലൈൻസ്. വാരാന്ത്യത്തിൽ രണ്ട് വിമാനങ്ങൾ സർവ്വീസ് നടത്തുമെന്ന് ഇൻഡിഗോ പ്രസ്താവനയിലൂടെ അറിയിച്ചു. തുടർന്ന് ബെംഗളൂരുവിലേക്കും ഡൽഹിയിലേക്കുമായി സർവ്വീസ് നടക്കും.
പൗരന്മാരെ ജിദ്ദയിൽ നിന്ന് ഡൽഹിയിലേക്കും ബെംഗളൂരുവിലേക്കും എത്തിക്കാനായിട്ടാണ് ഇൻഡിഗോ സർവ്വീസ് നടത്തുക. ഈ സർവ്വീസിലൂടെ ഏപ്രിൽ 28, 30 തിയ്യതികളിലായി പൗരന്മാരെ തിരികെ എത്തിക്കും. കുടുങ്ങിക്കിടക്കുന്ന പൗരന്മാരെ തിരിച്ചെത്തിക്കാൻ സർക്കാരിന്റെ നടപടികൾക്ക് ഇൻഡിഗോ പൂർണപിന്തുണ നൽകുന്നുവെന്ന് ഔദ്യോഗിക പ്രസ്താവനയിൽ പറഞ്ഞു.
ഔദ്യോഗിക കണക്കുകൾ പ്രകാരം സുഡാനിൽനിന്ന് ഇന്ത്യയിലേക്ക് എത്തിയവരുടെ എണ്ണം ഇപ്പോൾ 1360 ആണ്.
Comments