ന്യൂഡൽഹി: പ്രധാനമന്ത്രിയുടെ പ്രതിമാസ റേഡിയോ പരിപാടിയായ മൻ കി ബാത്ത് അതിന്റെ നൂറാം എപ്പിസോഡിലേക്കെത്തി. 2014 ഒക്ടോബറിലാണ് പരിപാടി ആദ്യമായി പുറത്തിറങ്ങുന്നത്. എല്ലാ മാസത്തിലും ഒരിക്കലാണ് പരിപാടി സംപ്രേക്ഷണം ചെയ്യുന്നത്. പ്രധാനമന്ത്രിയുടെ ആശയങ്ങൾ എല്ലാവരിലും എത്തിക്കുക എന്ന ലക്ഷ്യത്തോടെ തുടങ്ങിയ പരിപാടിയാണ് മാൻ കി ബാത്ത്.
എന്തായിരുന്നു മൻ കി ബാത്തിന്റെ ലക്ഷ്യം. ആദ്യ എപ്പിസോഡിൽ പ്രധാനമന്ത്രി ഇതിന്റെ പിന്നിലെ ആശയം പങ്കുവെച്ചിരുന്നു. രാജ്യത്തിന്റെ പുരോഗതി കൈവരിക്കുന്നതിനായി എല്ലാ പൗരന്മാരും ഒരുമിച്ച് പ്രവർത്തിക്കണമെന്ന് അദ്ദേഹം പറഞ്ഞിരുന്നു.
‘രാജ്യത്തിന് വേണ്ടി പ്രവർത്തിക്കാനും ഇന്ത്യയെ ഉയരങ്ങളിലേക്ക് കൊണ്ടു പോകാനും നമുക്ക് ഒരുപാട് കാര്യങ്ങൾ ചെയ്യാനുണ്ടെന്ന് അദ്ദേഹം പറഞ്ഞു. എല്ലാവർക്കും ഒരു പടി മുന്നോട്ട് പോകാം. നിങ്ങൾ ഒരു ചുവടുവെയ്ക്കുകയാണെങ്കിൽ നമ്മുടെ രാജ്യം 125 കോടി ചുവടുകൾ മുന്നോട്ട് പോകും. നാമെല്ലാവരും നമ്മുടെ ഉള്ളിലെ തിന്മകളെ ഉപേക്ഷിച്ച് രാജ്യത്തിനായി എന്തെങ്കിലും നല്ലത് ചെയ്യാൻ ആരംഭിക്കണം. എന്റെ ചിന്തകൾ എല്ലാവരുമായും ഞാൻ പങ്കുവെക്കും. എന്റെ ഹൃദയത്തിൽ നിന്ന് നേരിട്ട് വരുന്ന എല്ലാ ആശയങ്ങളും പങ്കുവെയ്ക്കുകയും നിങ്ങളിൽ നിന്ന് സ്നേഹവും നിർദ്ദേശങ്ങളും സ്വീകരിക്കുകയും ചെയ്യും’പ്രധാനമന്ത്രി പറഞ്ഞു.
Comments