ട്വിറ്ററിന് ഇടക്കാല വിടയെന്ന് തമിഴ് താരം ശിവകാർത്തികേയൻ. കുറച്ച് നാളത്തേയ്ക്ക് ട്വിറ്ററിൽ നിന്ന് ഇടവേളയെടുക്കുകയാണെന്നും പെട്ടെന്ന് തന്നെ തിരിച്ചെത്തുമെന്നുമാണ് ശിവകാർത്തികേയൻ ട്വിറ്ററിൽ കുറിച്ചത്. സിനിമ സംബന്ധമായ എല്ലാ കാര്യങ്ങളും ഇനി അപ്ഡേറ്റ് ചെയ്യുക തനിക്കൊപ്പമുള്ള ആൾക്കാരായിരിക്കുമെന്നും ശിവകാർത്തികേയൻ കുറിച്ചു. ട്വിറ്ററിൽ നിന്ന് എന്തുകൊണ്ടാണ് ഇടവേളയെടുക്കുന്നത് എന്ന് ശിവകാർത്തികേയൻ വ്യക്തമാക്കിയിട്ടില്ല.
My dear brothers and sisters,
I am taking a break from twitter for a while.
Take care, and i will be back soon 👍😊P.S: All updates on the films will be shared here by my team. pic.twitter.com/Nf4fdqXRTy
— Sivakarthikeyan (@Siva_Kartikeyan) April 30, 2023
ഹിറ്റുകൾ സൃഷ്ടിക്കുന്ന ശിവകാർകത്തികേയന്റതായി ആരാധകർ ആകാംക്ഷയോടെ കാത്തിരിക്കുന്ന ചിത്രമാണ് മാവീരൻ. മഡോണി അശ്വിന്റേതാണ് ചിത്രത്തിന്റെ സംവിധാനവും തിരക്കഥയും.
ശിവകാർത്തികേയൻ നായകനായി ഏറ്റവും ഒടുവിൽ തിയറ്ററുകളിൽ എത്തിയ ചിത്രം പ്രിൻസ് ആണ്. അനുദീപ് കെ വി ആണ് ചിത്രം സംവിധാനം ചെയ്തത്.ശ്രീ വെങ്കടേശ്വരൻ സിനിമാസ് എൽഎൽപിയാണ് ചിത്രം നിർമിച്ചത്. വിദേശ യുവതിയുമായി പ്രണയത്തിലാകുന്ന തമിഴ് ടൂറിസ്റ്റ് ഗൈഡായിട്ടാണ് ശിവകാർത്തികേയൻ ചിത്രത്തിൽ അഭിനയിച്ചിരുന്നത്. പ്രിൻസ് എന്ന ചിത്രത്തിൽ സത്യരാജും ഒരു പ്രധാന കഥാപാത്രമായി എത്തിയപ്പോൾ യുക്രൈൻ താരം മറിയ റ്യബോഷ്പ്കയായിരുന്നു നായിക.
Comments