ശ്രീനഗർ : ഇന്ത്യൻ സൈനികരെ ലക്ഷ്യം വച്ച് നടത്തിയ പൂഞ്ച് ഭീകരാക്രമണവുമായി ബന്ധമുണ്ടെന്ന് സംശയിക്കുന്ന ജമ്മു മദ്രസയിലെ മൗലവിയെ ചോദ്യം ചെയ്ത് ജമ്മു കശ്മീർ പോലീസ് . പൂഞ്ച് സ്വദേശിയായ മൻസൂർ എന്ന ഇസ്ലാം പണ്ഡിതനെയാണ് ചോദ്യം ചെയ്തത് . ജമ്മുവിന്റെ പ്രാന്തപ്രദേശത്തുള്ള ബത്തിണ്ടിയിലെ മദ്രസയിലെ മൗലവിയാണ് മൻസൂർ.
ആക്രമണവുമായി ബന്ധപ്പെട്ട കസ്റ്റഡിയിലുള്ളവരിൽ ഒരാളുമായി സമ്പർക്കം പുലർത്തിയിരുന്നുവെന്ന സംശയത്തെത്തുടർന്നാണ് പോലീസ് സംഘം മർകസ്-ഉൽ-മരിഫ് മദ്രസയിൽ നിന്ന് മൻസൂറിനെ പിടികൂടി ചോദ്യം ചെയ്തത് .
പൂഞ്ച് ഭീകരർക്ക് പിന്തുണയും അഭയവും നൽകിയതിന് ആറ് നാട്ടുകാരെ അറസ്റ്റ് ചെയ്തതായി ജമ്മു കശ്മീർ പോലീസ് മേധാവി ദിൽബാഗ് സിംഗ് പറഞ്ഞതിന് തൊട്ടുപിന്നാലെയാണ് പുരോഹിതന്റെ ചോദ്യം ചെയ്യൽ. ഭീകരരെ സഹായിച്ച പൂഞ്ച് പ്രദേശവാസികളെ ചോദ്യം ചെയ്യുന്നതിനിടെയാണ് ഇയാളുടെ പേര് പുറത്തുവന്നതെന്ന് പോലീസ് വൃത്തങ്ങൾ അറിയിച്ചു.
Comments