സവർക്കറെ അധിക്ഷേപിച്ച് മുഖ്യമന്ത്രി പിണറായി വിജയൻ. ബ്രിട്ടീഷുകാർക്ക് മാപ്പ് എഴുതിക്കൊടുത്ത് വന്നയാളാണ് സവർക്കറെന്ന് മുഖ്യമന്ത്രി പറഞ്ഞു. സ്വാതന്ത്ര്യ സമരത്തിൽ സവർക്കർക്ക് യാതൊരു പങ്കും ഉണ്ടായിരുന്നിന്നില്ലെന്നും പിണറായി പറഞ്ഞു. സവർക്കറെ ആർഎസ്എസാണ് വീര സവർക്കറാക്കി മാറ്റിയതെന്നും പിണറായി പറഞ്ഞു.
സവർക്കർ സ്വാതന്ത്ര്യ സമരത്തിന് എതിരായിരുന്നു. എല്ലാകാലത്തും സവർക്കർ സ്വാതന്ത്ര്യ സമരത്തിന് എതിരായി നിലപാട് എടുത്തിട്ടുള്ള വ്യക്തിയാണെന്നും പിണറായി പറഞ്ഞു. ആർ എസ്എസും അത്തരത്തിലാണെന്നും സ്വാതന്ത്ര്യ സമരത്തിൽ ഒരു പങ്കും വഹിക്കാത്തവരുടെ കയ്യിലാണ് രാജ്യത്തിന്റെചുമതല എന്നും പിണറായി ആരോപിച്ചു.
ആർഎസ്എസ് മതനിരപേക്ഷത അംഗീകരിക്കുന്നില്ലെന്നും അങ്ങനെയുള്ള ആർഎസ്എസിന് എന്ത് സന്ദേശമാണ് രാജ്യത്തിന് നൽകാനുള്ളതെന്നും പിണാറായി ചോദിച്ചു. ബിജെപി രാജ്യത്തെ കേവല രാഷ്ട്രീയ പാർട്ടി അല്ല. ആർഎസ്എസിന്റെ നേതൃത്വം അംഗീകരിച്ച പാർട്ടിയാണ് ബിജെപിയെന്നും പിണറായി കൂട്ടിച്ചേർത്തു.
Comments