ശ്രീനഗർ: ജമ്മുകശ്മീരിലെ രജൗരിയിൽ ഭീകരരുമായുള്ള നടന്ന ഏറ്റുമുട്ടലിൽ രണ്ട് സൈനികർക്ക് വീരമൃത്യു. നാല് സൈനികർക്ക് പരുക്കേറ്റു. ഏറ്റുമുട്ടൽ ഇപ്പോഴും തുടരുകയാണ്.
ഭീകരർ ഒളിച്ചിരിക്കുന്നുവെന്ന രഹസ്യവിവരത്തെ തുടർന്ന് രജൗരിയിലെ കണ്ഠി വനത്തിൽ സൈന്യം തിരച്ചിൽ നടത്തുകയായിരുന്നു. ഇതിനിടെ സുരക്ഷാസേനയ്ക്ക് നേരെ ഭീകരർ വെടിയുതിർക്കുകയായിരുന്നു. ഭീകരർ എറിഞ്ഞ സ്ഫോടക വസ്തുക്കൾ പൊട്ടിത്തെറിച്ചാണ് സൈനികർക്ക് വീരമൃത്യു സംഭവിച്ചതെന്നാണ് വിവിരം.
സ്ഫോടനത്തിൽ പരിക്കേറ്റ സൈനികരെ ഉദ്ദംപൂർ ആശുപത്രിയിൽ പ്രവേശിപ്പിച്ചിട്ടുണ്ട്. പ്രദേശത്ത് ഭീകരർക്കായുള്ള തിരച്ചിൽ നടന്നുവരികയാണ്. ഭീകരരിൽ ചിലർ കൊല്ലപ്പെട്ടതായാണ് പുറത്തുവരുന്ന റിപ്പോർട്ട്. വനത്തിന്റെ നാലുവശത്ത് നിന്നും ആക്രമണം നടത്തി ഭീകരരെ കീഴ്പ്പെടുത്താനുള്ള ശ്രമം സൈന്യം ആരംഭിച്ചിട്ടുണ്ട്.
