വാഷിംഗ്ടൺ: യുഎസിൽ ജിപിഎസിന്റെ സഹായത്തോടെ ലക്ഷ്യസ്ഥാനത്തെത്താൻ പുറപ്പെട്ട വിനോദസഞ്ചാരികളുടെ കാർ ചെന്ന് പതിച്ചത് കടലിൽ. വാഹനത്തിലുണ്ടായിരുന്ന സഞ്ചാരികളായ രണ്ട്‌പേർ സഹോദരിമാരാണ് എന്നാണ് വിവരം. ജിപിഎസിന്റെ നോക്കി വാഹനമോടിക്കുന്നതിനിടയിൽ തെറ്റായ ദിശയിലേക്ക് തിരിഞ്ഞ് അപകടം ഉണ്ടാവുകയായിരുന്നു.യുഎസിലെ ഹവായിലാണ് സംഭവമുണ്ടായത്.
ഹവായിയിലെ ഹാർബർ സന്ദർശിക്കാനെത്തിയതായിരുന്നു സഹോദരിമാരായ രണ്ടു പേരും.സ്ഥലത്ത് എത്താൻ ജിപിഎസിന്റെ സഹായം തേടുകയും സഞ്ചരിച്ചിരുന്ന വാഹനം ദിശതെറ്റി കടലിൽ വീഴുകയുമായിരുന്നു. തുടർന്ന് രക്ഷാപ്രവർത്തകർ ചേർന്ന് കാറിലുണ്ടായിരുന്നവരെ പുറത്തെത്തിച്ചു. കടലിൽ പതിച്ച വാഹനം കയർ കെട്ടി ഉയർത്തി. സംഭവത്തിൽ ആളപായമില്ല.
പ്രദേശവാസികൾ എടുത്ത സംഭവത്തിന്റെ ദൃശ്യങ്ങൾ സമൂഹമാദ്ധ്യമങ്ങളിൽ വ്യാപകമായി പ്രചരിച്ചിട്ടുണ്ട്. ഇരുവരും പരിഭ്രാന്തരായിരുന്നില്ല എന്നു മാത്രമല്ല സംഭവം ആസ്വദിക്കുകയുമായിരുന്നു വെന്ന് രക്ഷാപ്രവർത്തനം നടത്തിയവർ പറഞ്ഞു.
