ബെംഗളൂരു: നിയമസഭാ തിരഞ്ഞെടുപ്പിന്റെ ചൂടിൽ കർണാടക. ജനങ്ങൾക്കിടയിൽ ആവേശതരങ്കമായി പ്രധാനമന്ത്രി നരേന്ദ്രമോദിയുടെ റോഡ് ഷോ. ശനിയാഴ്ച രാവിലെ സോമേശ്വര സഭാ ഭവനിൽ നിന്ന് ആരംഭിച്ച യാത്ര പുരോഗമിക്കുകയാണ്. തുടർന്ന് മല്ലേശ്വരം ക്ഷേത്രപരിസരത്താകും 64 കിലോമീറ്ററുള്ള റോഡ് ഷോ അവസാനിക്കുന്നത്. 13 മണ്ഡലങ്ങളിലൂടെ ഷോ കടന്നു പോകുമെന്നാണ് അറിയിച്ചിരിക്കുന്നത്.
പ്രധാനമന്ത്രിയുടെ റോഡ് ഷോയ്ക്ക് വലിയ സ്വീകരണമാണ് ലഭിച്ചത്. ഇരുവശങ്ങളിലും തടച്ചുകൂടിയ ജനങ്ങൾ പുഷ്പവൃഷ്ടി നടത്തി പ്രധാനമന്ത്രിയെ സ്വീകരിച്ചു. വരും ദിവസങ്ങളിലും കർണാടകയിൽ റോഡ് ഷോകളും പൊതുയോഗങ്ങളും നടക്കും. എംപിമാരായ തേജസ്വി സൂര്യ, പിസി മോഹൻ എന്നിവരും പ്രധാനമന്ത്രിയ്ക്കൊപ്പം ഷോയിൽ പങ്കെടുത്തു. ഈ മാസം 10-നാണ് കർണാടക തിരഞ്ഞെടുപ്പ് നടക്കുന്നത്. വേട്ടെണ്ണൽ 13-നുമാണ് നടക്കുക.
Comments