ബെംഗളൂരു: കർണാടകയിലെ നിയമസഭാ തിരഞ്ഞെടുപ്പ് അടുത്തിരിക്കുന്നതിന്റെ പശ്ചാത്തലത്തിൽ സംസ്ഥാനത്തെ ജനങ്ങളെ ഇളക്കി മറിച്ച് കേന്ദ്ര ആഭ്യന്തരമന്ത്രി അമിത് ഷായുടെ റോഡ് ഷോ. ബെലഗാവി സൗത്ത് മണ്ഡലത്തിലാണ് അമിത് ഷായുടെ മെഗാ റോഡ് ഷോ നടന്നത്. കേന്ദ്ര ആഭ്യന്തരമന്ത്രിയെ കാണാൻ ആയിരകണക്കിന് ജനങ്ങൾ റോഡിന്റെ ഇരുവശങ്ങളിലും തടിച്ചുകൂടി.
തിരഞ്ഞെടുപ്പ് പ്രചരണത്തിന് ആക്കം കൂട്ടുന്നതിനായി പ്രധാനമന്ത്രി നരേന്ദ്രമോദി ഇന്ന് രാവിലെ ബംഗ്ളൂരിൽ റോഡ് ഷോ നടത്തിയിരുന്നു. പ്രധാനമന്ത്രിയ്ക്ക് വലിയ സ്വീകരണമാണ് റോഡ് ഷോയിൽ ലഭിച്ചത്.
തിരഞ്ഞെടുപ്പ് പ്രചരണത്തിന്റെ രണ്ടാം ദിവസവും ബെംഗളൂരുവിൽ 10 കിലോമീറ്റർ ദൈർഘ്യമുള്ള റോഡ് ഷോ നടന്നു. മെയ് 10-നാണ് കർണാടക തിരഞ്ഞെടുപ്പ് നടക്കുന്നത്. മെയ് 13-ന് വോട്ടെണ്ണും. മെഗാ റാലികൾ സംഘടിപ്പിക്കുന്നതിലൂടെ തിരഞ്ഞെടുപ്പിൽ അനുകൂല സാഹചര്യം ഉണ്ടാകുമെന്ന് പ്രതീക്ഷിക്കുന്നതായി ബിജെപി നേതാക്കൾ അറിയിച്ചു.
Comments