ദൃശ്യ-ശ്ര്യവ്യ മാദ്ധ്യമങ്ങളിലും സമൂഹമാദ്ധ്യമങ്ങളിലും ട്രെൻഡിംഗ് അരിക്കൊമ്പനാണ്. ഇതിന് പിന്നാലെയാണ് സാജിദ് യാഹിയ ‘അരിക്കൊമ്പൻ’ സിനിമയുമായെത്തുന്ന വിവരം പുറത്തുവിട്ടത്. ടൈറ്റിൽ പ്രഖ്യാപനം മുതൽ പ്രക്ഷേകർ ആവേശത്തോടെ കാത്തിരിക്കുന്ന സിനിമയുടെ ചിത്രീകരണം ഒക്ടോബറിൽ ആരംഭിക്കുമെന്നാണ് അണിയറപ്രവർത്തകർ നൽകുന്ന വിവരം. ശ്രീലങ്കയിലെ സിഗിരിയയാണ് ചിത്രത്തിന്റെ പ്രധാന ലൊക്കേഷൻ. സിഗിരയയോടൊപ്പം ഇടുക്കി ചിന്നക്കനാലിലും അരിക്കൊമ്പന്റെ ഷൂട്ടിംഗ് നടക്കും.
‘പ്രീ-പ്രൊഡക്ഷൻ ജോലികൾ ആരംഭിച്ചു, തിരക്കഥയും ഏകദേശം പൂർത്തിയായി. കുറച്ച് ആനകളുടെ കഥയും സിനിമയുടെ ഭാഗമായി ഡോക്യുമെന്റ് ചെയ്യുന്നുണ്ട്. ഒരു സംഘത്തെ ഇതിനുവേണ്ടി നിയമിച്ചിട്ടുണ്ട്. അതിന്റെ വർക്കുകൾ പുരോഗമിക്കുകയാണ്. പ്രോപ്പർ സിനിമയായി തന്നെയാകും ‘അരിക്കൊമ്പൻ’ എത്തുക. ഒരു സെക്ഷൻ ഇപ്പോൾ ചിത്രീകരിക്കാൻ പദ്ധതിയുണ്ട്. അത് അടുത്ത മാസത്തോടെ ആരംഭിക്കും. 2018 പോലെ ഒരു സിനിമയ്ക്ക് കിട്ടിയ സ്വീകാര്യതയുണ്ട്. നമുക്ക് അറിയാവുന്ന അറിയാവുന്ന ഒരു സംഭവത്തിനെ കാണിക്കുമ്പോഴുള്ള ഇംപാക്ട് വളരെ വലുതാണ്. അതിന് വേണ്ടിയുള്ള പണിപ്പുരയിലാണ് ഞങ്ങൾ’ -സംവിധായകൻ സാജിദ് യാഹിയയുടെ വാക്കുകളാണിവ.
ബാദുഷാ സിനിമാസിന്റെയും പെൻ ആൻഡ് പേപ്പർ ക്രിയേഷൻസിന്റെയും ബാനറിൽ നിർമ്മിക്കുന്ന ചിത്രമാണ് അരിക്കൊമ്പൻ. സുഹൈൽ എം. കോയയാണ് തിരക്കഥ. എൻഎം ബാദുഷ, ഷിനോയ് മാത്യു, രാജന്ഡ ചിറയിൽ മഞ്ജു ബാദുഷ, നീതു ഷിനോയ് എന്നിവരാണ് നിർമ്മാണം. ചിത്രത്തിന്റെ താരനിർണയം പുരോഗമിക്കുകയാണ്.
Comments