ന്യൂഡൽഹി: പിറന്നാൾ ദിനത്തിൽ ശിവക്ഷേത്രത്തിൽ പ്രാർത്ഥന നടത്തി കേരള സ്റ്റോറിയിലെ നായിക ആദ ശർമ. വിവാദ സൃഷ്ടിച്ച ദി കേരള സ്റ്റോറി ഇതിനോടകം തന്നെ വലിയ തോതിൽ ജനശ്രദ്ധ നേടിയിരിക്കുകയാണ്. ഇപ്പോഴിതാ ചിത്രത്തിലെ നായിക ആദ ശർമ തന്റെ പിറന്നാൾ ദിനത്തിൽ ശിവക്ഷേത്രത്തിൽ പൂജയും പ്രാർത്ഥനയും നടത്തുന്നു. ക്ഷേത്രത്തിൽ പ്രാർത്ഥിക്കുന്ന ചിത്രങ്ങളും വീഡിയോകളും ആദാ ശർമ തന്നെയാണ് സാമൂഹ്യമാദ്ധ്യമങ്ങളിലൂടെ പങ്കുവെച്ചിരിക്കുന്നത്.
വീഡിയോയിൽ ആദ ശിവ താണ്ഡവ സ്തോത്രങ്ങൾ ചൊല്ലുന്നത് കേൾക്കാനാകും. ദി കേരള സ്റ്റോറിയുടെ ബോക്സ് ഓഫീസിലെ വിജയത്തിന് ശേഷം ആദ ശർമ്മ തന്റെ ട്വിറ്ററിൽ നന്ദി രേഖപ്പെടുത്തി. ‘പ്രധാനമന്ത്രി ഞങ്ങളുടെ ദി കേരള സ്റ്റോറി എന്ന ചിത്രത്തെ പരമാർശിച്ചു. നിരൂപകരും പ്രേക്ഷകരും എന്റെ പ്രകടനത്തെ അഭിനന്ദിക്കുന്നു. തിയേറ്ററുകളിൽ ഹൗസ്ഫുൾ എന്ന് പറഞ്ഞ് ഒരുപാട് പേർ എനിക്ക് സന്ദേശങ്ങൾ അയച്ചിരുന്നു. എല്ലാ സ്വപ്നങ്ങളും സാക്ഷാത്കരിക്കപ്പെടുകയാണ്. ആദ ശർമ ട്വിറ്ററിൽ കുറിച്ചു.
Standing ovation in theatres , the honourable PM mentioning our film #TheKeralaStory ,critics and audience applauding my performance , HOUSEFULL messages from so many of you, bumper opening ! I could never have dreamed of so much. All your dreams for me are coming true ❤️… pic.twitter.com/iK8U3Sf0Bm
— Adah Sharma (@adah_sharma) May 6, 2023
ദി കേരള സ്റ്റോറി 37 രാജ്യങ്ങളിൽ റിലീസ് ചെയ്യും. റിലീസ് ചെയ്ത് ആറാം ദിവസം 56 കോടിയിലധികം രൂപയാണ് ചിത്രം നേടിയത്. മെയ് 12-ന് അന്താരാഷ്ട്ര തലത്തിലാണ് ചിത്രം റിലീസ് ചെയ്യുന്നത്.
Comments