ന്യൂഡൽഹി: ഇലോൺ മസ്ക് ട്വിറ്റർ സ്ഥാനം ഒഴിയുന്നു. ട്വിറ്ററിന്റെ പുതിയ സിഇഒയെ കണ്ടെത്തിയെന്നും അടുത്ത ഏതാനും ദിവസങ്ങൾക്കുള്ളിൽ അവർ സ്ഥാനം ഏറ്റെടുക്കുമെന്നും ട്വിറ്റർ സിഇഒ ഇലോൺ മസ്ക് പറഞ്ഞു. ട്വിറ്ററിലൂടെയാണ് അദ്ദേഹം ഇക്കാര്യം വ്യക്തമാക്കിയത്. സിഇഒ സ്ഥാനം ഒഴിഞ്ഞ് ട്വിറ്ററിന്റെ ചീഫ് ടെക്നോളജി ഓഫീസറുടെ സ്ഥാനത്തേക്ക് മാറുമെന്നും മസ്ക് ട്വിറ്ററിലൂടെ അറിയിച്ചു.
‘ട്വിറ്ററിന്റെ പുതിയ സിഇഒയെ കണ്ടെത്തി. വരുന്ന ആറ് ആഴ്ചക്കുള്ളിൽ അദ്ദേഹം സിഇഒയായി ചുമതലയേൽക്കും’ എന്നാണ് മസ്ക് ട്വീറ്റ് ചെയ്തത്. അതേസമയം, കോംകാസ്റ്റിന്റെ എൻബിസി യൂണിവേഴ്സലിലെ വേണ്ട പരസ്യ സെയിൽസ് എക്സിക്യൂട്ടീവായ ലിൻഡ യാക്കാരിനോയാണ് പുതിയ സിഇഒയായി വരുന്നത് എന്ന വിവരവും പുറത്തുവരുന്നുണ്ട്.
ട്വിറ്റർ ഉൽപ്പന്നം, സോഫ്റ്റ്വെയർ, സിസോപ്പുകൾ എന്നിവയുടെ മേൽനോട്ടം വഹിക്കുന്ന സിടിഒയുടെ സ്ഥാനത്തോടൊപ്പം ട്വിറ്റർ എക്സിക്യൂട്ടീവ് ചെയർ സ്ഥാനത്തേക്ക് മാറുമെന്ന് മസ്ക് അറിയിച്ചു. ട്വിറ്ററിൽ പുതിയൊരു സിഇഒയെ നിയമിക്കുമെന്ന് മസ്ക് നേരത്തെ അറിയിച്ചിരുന്നു.
Comments