മുംബൈ: മുംബൈ തീരദേശ റോഡിന് ഛത്രപതി സാംബാജി മഹാരാജാവിന്റെ പേര് നൽകുമെന്ന് മഹാരാഷ്ട്ര മുഖ്യമന്ത്രി ഏക്നാഥ് ഷിൻഡെ. മുംബൈയിൽ ഗേറ്റ് വേ ഓഫ് ഇന്ത്യയിൽ സംഘടിപ്പിച്ച ഛത്രപതി സാംബാജി മഹാരാജ് ജയന്തി ആഘോഷത്തിൽ പങ്കെടുക്കവെയാണ് മുഖ്യമന്ത്രി ഇക്കാര്യം വ്യക്തമാക്കിയത്.
മുംബൈയിൽ നടപ്പിലാക്കാൻ പോകുന്ന ഏറ്റവും പ്രധാനപ്പെട്ട അടിസ്ഥാനസൗകര്യ വികസനപദ്ധതിയാണ് തീരദേശ റോഡ് നിർമാണം. 2023 നവംബറോടെ മുഴുവൻ തീരദേശ റോഡ് പദ്ധതിയും പൂർത്തിയാക്കാനാണ് സർക്കാർ ലക്ഷ്യമിടുന്നത്. അതിനായി 3200 കോടി രൂപയാണ് കേന്ദ്ര സർക്കാർ അനുവദിച്ചിരിക്കുന്നത്.
മെയ് 23 മുതൽ 25 വരെ മുംബൈയിൽ നടക്കാനിരിക്കുന്ന ജി-20 രണ്ടാം ഡിസാസ്റ്റർ റിസ്ക് റിഡക്ഷൻ വർക്കിംഗ് ഗ്രൂപ്പ് (ഡിആർആർഡബ്ല്യുജി) മീറ്റിംഗിൽ മുംബൈ തീരദേശ റോഡിനെ കുറിച്ച് മുഖ്യമന്ത്രി ചർച്ച നടത്തുമെന്ന് ആഭ്യന്തര മന്ത്രാലയം അറിയിച്ചു. ബ്രിഹാൻ മുംബൈ മുനിസിപ്പൽ കോർപ്പറേഷൻ ഡിആർആർഡബ്ല്യുജി ജി-20 പ്രതിനിധികൾക്ക് മുന്നിൽ പദ്ധതിയ്ക്കായി സ്വീകരിച്ച നടപടികൾ ഉയർത്തിക്കാട്ടുമെന്നും മന്ത്രാലയം അറിയിച്ചു
Comments