ന്യൂഡൽഹി: അന്താരാഷ്ട്ര ക്രിക്കറ്റിൽ പുതിയ മാറ്റങ്ങളുമായി ആഗോള ക്രിക്കറ്റ് സംഘടന ഐസിസി. പുതിയ നിയമങ്ങൾ ജൂൺ ഒന്നുമുതൽ പ്രാബല്യത്തിൽ വരും. പുരുഷ വനിതാ ക്രിക്കറ്റ് കമ്മിറ്റികളുടെ നിർദേശങ്ങൾ ചീഫ് എക്സിക്യുട്ടീവ് കമ്മിറ്റി അംഗീകരിച്ചാണ് പുതിയ പരിഷ്കാരങ്ങൾ എത്തുന്നത്.
ഇതിൽ ആദ്യ മാറ്റം അമ്പയറിങ്ങിലാണ്. ടിവി അമ്പയർക്ക് ഫീൽഡ് അമ്പയർ ഇനിമുതൽ സോഫ്റ്റ് സിഗ്നൽ നൽകേണ്ട ആവശ്യമില്ല. സോഫ്റ്റ് സിഗ്നൽ നൽ കുന്നത് ആശയക്കുഴപ്പമുണ്ടാക്കാറുണ്ടെന്ന് ഐസിസി വ്യക്തമാക്കി. എല്ലാ തീരുമാനമെടുക്കുമ്പോഴും ഓൾ ഫീൽഡ് അമ്പയർ ടിവി അമ്പയറുമായി ആശയവിനിമയം നടത്തണമെന്നും ഐസിസി അറിയിച്ചു.
മറ്റൊരു പ്രധാന മാറ്റം ഹെൽമറ്റുമായി ഉപയോഗത്തിലാണ്. ഓരോ ഫീൽഡിലെയും അപകടസാധ്യത മനസ്സിലാക്കി ക്രീസിൽ താരങ്ങൾ നിർബന്ധമായും ഹെൽമറ്റ് ധരിക്കണം. പേസ് ബൗളർമാരെ നേരിടുന്ന ബാറ്റർമാർ, സ്റ്റംപുകൾക്ക് അടുത്ത് നിൽക്കുന്ന വിക്കറ്റ് കീപ്പർമാർ, ബാറ്റർമാർക്ക് അടുത്തുനിൽക്കുന്ന ഫീൽഡർമാർ എന്നിവർ നിർബന്ധമായും ഹെൽമറ്റ് ധരിക്കണമെന്നാണ് പുതിയ നിർദ്ദേശം.
