വിദേശ രാജ്യങ്ങളിലെ ആഹാര രീതികളുമായി താരതമ്യം ചെയ്തുനോക്കുമ്പോൾ ഇന്ത്യൻ ഭക്ഷണങ്ങൾക്ക് ഒരുപാട് പ്രത്യേകതകളുണ്ട്. ഇന്ത്യക്കാരുടെ എരിവും പുളിയും മധുരവും മസാലക്കൂട്ടുകളുമെല്ലാം ഏറെ സവിശേഷമാണ്. അതുകൊണ്ട് തന്നെ ഇന്ത്യൻ ഭക്ഷണരീതിയെ ഇഷ്ടപ്പെടുന്ന നിരവധി വിദേശികളുണ്ടെന്നതാണ് വാസ്തവം. ഇപ്പോഴിതാ സാക്ഷാൽ ഇലോൺ മസ്കും ഇന്ത്യൻ ഭക്ഷണത്തെ പുകഴ്ത്തി ട്വിറ്റൽ എത്തിയിരിക്കുകയാണ്.
ഡാനിയേൽ എന്ന ട്വിറ്റർ യൂസർ ഇന്ത്യൻ ഭക്ഷണത്തിന്റെ ചിത്രം പങ്കുവച്ച് ഇന്ത്യൻ രുചിയെ പുകഴ്ത്തി ട്വിറ്ററിൽ പോസ്റ്റ് പങ്കുവച്ചിരുന്നു. ബട്ടർ ചിക്കൻ, നാൺ, റൈസ് എന്നിവയാണ് ഡാനിയേൽ പങ്കുവച്ച പോസ്റ്റിലുണ്ടായിരുന്നത്. ഇന്ത്യൻ ഭക്ഷണങ്ങൾ തനിക്ക് വളരെയധികം ഇഷ്ടമാണെന്നും ഒരുരക്ഷയുമില്ലാത്തസ്വാദാണെന്നും അദ്ദേഹം പോസ്റ്റിന് അടിക്കുറിപ്പെഴുതി. ഈ ട്വീറ്റ് കണ്ട ശതകോടീശ്വരൻ ഇലോൺ മസ്ക് തന്റെ അഭിപ്രായവും അവിടെ രേഖപ്പെടുത്തി. ഡാനിയേൽ പറയുന്നത് സത്യമാണെന്നായിരുന്നു (TRUE) ഇലോൺ മസ്ക് അഭിപ്രായപ്പെട്ടത്.
I love basic bitch Indian food it’s so insanely good pic.twitter.com/FJmjgL2H3e
— Daniel (@growing_daniel) May 16, 2023
ടെസ്ല സിഇഒയുടെ ഈ ഒറ്റവരി കമന്റ് നിമിഷ നേരം കൊണ്ടാണ് വൈറലായത്. അന്താരാഷ്ട്ര പ്ലാറ്റ്ഫോമിൽ ഇന്ത്യൻ ഭക്ഷണത്തെക്കുറിച്ച് നല്ല വാക്കുകൾ പറഞ്ഞ മസ്കിന് നിരവധി ട്വിറ്റർ ഉപയോക്താക്കൾ നന്ദിയറിയിച്ചു. വെറും മൂന്ന് മണിക്കൂർ കൊണ്ട് 1.7 ദശലക്ഷം ആളുകളാണ് മസ്കിന്റെ പ്രതികരണം കണ്ടത്. ഇന്ത്യയിലേക്ക് വന്ന് ഇവിടുത്തെ തനതായ ഭക്ഷണങ്ങൾ എല്ലാം കഴിച്ച് നോക്കണമെന്ന് ആരാധകർ കമന്റ് ചെയ്തു.
Comments