ന്യൂഡൽഹി: രത്തൻ ലാൽ കട്ടാരിയയുടെ നിര്യാണത്തിൽ അനുശോചനം രേഖപ്പെടുത്തി പ്രധാനമന്ത്രി നരേന്ദ്രമോദി. എംപിയും മുൻ കേന്ദ്രമന്ത്രിയുമായ രത്തൻ ലാൽ കട്ടാരിയയുടെ നിര്യാണത്തിൽ വേദനിക്കുന്നു. പൊതുസേവനത്തിനും സാമൂഹിക നീതിക്കും വേണ്ടി അദ്ദേഹം നൽകിയ സമ്പന്നമായ സംഭാവനകളിലൂടെ അദ്ദേഹം ഓർമ്മിക്കപ്പെടും. ഹരിയാനയിൽ ബിജെപിയെ ശക്തിപ്പെടുത്തുന്നതിൽ അദ്ദേഹം പ്രധാന പങ്കുവഹിച്ചു. അദ്ദേഹത്തിന്റെ കുടുംബാംഗങ്ങളോടും അനുഭാവികളോടും അനുശോചനം രേഖപ്പെടുത്തുന്നു. ഓം ശാന്തി.’- എന്ന് അദ്ദേഹം ട്വിറ്ററിൽ കുറിച്ചു.
Pained by the passing away of MP and former Minister Shri Rattan Lal Kataria Ji. He will be remembered for his rich contribution towards public service and social justice. He played a key role in strengthening BJP in Haryana. Condolences to his family and supporters. Om Shanti. pic.twitter.com/57sZBLIYMb
— Narendra Modi (@narendramodi) May 18, 2023
ലാൽ കട്ടാരിയയുടെ നിര്യാണത്തിൽ ഹരിയാന മുഖ്യമന്ത്രി മനോഹർ ലാൽ ഖട്ടാർ അനുശോചനം രേഖപ്പെടുത്തി. ഇന്ന് മുഖ്യമന്ത്രി എല്ലാ പരിപാടികളും റദ്ദാക്കുകയും സംസ്ഥാനത്ത് ഒരു ദിവസത്തെ ദുഃഖാചരണം പ്രഖ്യാപിക്കുകയും ചെയ്തു.
അംബാലയിൽ നിന്നുള്ള ബിജെപി എംപിയും മുൻ കേന്ദ്ര മന്ത്രിയുമായിരുന്നു രത്തൻ ലാൽ കട്ടാരിയ.72 വയസ്സായിരുന്നു. അസുഖബാധിതനായിരുന്ന ഇദ്ദേഹത്തെ മാസങ്ങൾക്ക് മുമ്പാണ് ഗുരുതരാവസ്ഥയിൽ ഛണ്ഡീഗഢിലെ പിജിഐ ആശുപത്രിയിൽ പ്രവേശിപ്പിച്ചത്. സംസ്കാരം ഇന്ന് ഉച്ചയ്ക്ക് 12 മണിക്ക് ഛണ്ഡീഗഢിലെ മണിമജ്രയിലെ ശ്മശാനത്തിൽ നടക്കുന്നു.
ഹരിയാനയിലെ ബിജെപിയുടെ ദളിത് മുഖമായിരുന്ന രത്തൻ ലാൽ. രണ്ടാം മോദി സർക്കാരിൽ 2021 ജൂലായ് വരെ ജൽ ശക്തി, സാമൂഹ്യനീതി സഹമന്ത്രിയായിരുന്നു കട്ടാരിയ. ഹരിയാനയിലെ അംബാല ലോക്സഭാ മണ്ഡലത്തിലെ പ്രതിനിധിയാണ്. മൂന്ന് തവണ എംപിയായിട്ടുണ്ട്.
