തിരുവനന്തപുരം: വന്ദേ ഭാരത് എക്സ്പ്രസിന്റെ സമയക്രമത്തിൽ ഇന്ന് മുതൽ മാറ്റം. കൊല്ലം, കോട്ടയം, എറണാകുളം, തൃശൂർ സ്റ്റേഷനുകളിൽ എത്തുന്ന സമയത്തിലാണ് മാറ്റം. ഓരോ സ്‌റ്റേഷനിലും എത്തിച്ചേരുന്നതും പുറപ്പെടുന്നതുമായ സമയത്തിലാണ് ക്രമീകരണം നടത്തിയിട്ടുള്ളത്.
പുതുക്കിയ സമയ പ്രകാരം തിരുവനന്തപുരത്ത് നിന്നും രാവിലെ 5.20 ന് കാസർഗോടേയ്‌ക്ക് പുറപ്പെടുന്ന വന്ദേ ഭാരത് കൊല്ലത്ത് 6.08ന് എത്തും. തുടർന്ന് കോട്ടയത്ത്- 7.24 നും, എറണാകുളം ടൗണിൽ – 8.25 നും, തൃശൂരിൽ – 9.30 നും എത്തുന്ന വിധത്തിലാണ് സമയക്രമീകരണം.
കാസർഗോട് നിന്നും ഉച്ചയ്‌ക്ക് 2.30 ന് തിരുവനന്തപുരത്തേക്ക് പുറപ്പെടുന്ന വന്ദേ ഭാരത് തൃശൂരിൽ വൈകിട്ട് എത്തുന്ന സമയം 6.10 ആണ്. തുടർന്ന് എറണാകുളം ടൗണിൽ – 7.17 നും കോട്ടയത്ത് – 8.10 നും കൊല്ലത്ത് – 9.30 നും എത്തും വിധത്തിലാണ് സമയം പുന ക്രമീകരിച്ചിട്ടുള്ളത്. എന്നാൽ മറ്റ് സ്റ്റേഷനുകളിലെ സമയത്തിൽ മാറ്റമില്ലെന്ന് ദക്ഷിണ റെയിൽവേ അറിയിച്ചു.
