അടുത്തിടെയാണ് നടിയായ അപൂർവ ബോസ് വിവാഹിതയയത്. കഴിഞ്ഞ മെയ് ആറിനായിരുന്നു താരത്തിന്റെ വിവാഹം. ദീർഘകാല സുഹൃത്തായ ധിമൻ തലപത്രയെയാണ് താരം വിവാഹം ചെയ്തത്. ഇപ്പോഴിത അമ്മൂമ്മയുടെ ആഗ്രഹ പ്രകാരം ഗുരുവായൂരിൽ വച്ച് വീണ്ടും വിവാഹിതരായിരിക്കുകയാണ് അപൂർവയും ധിമനും. അപൂർവ തന്നെയാണ് തന്റെ വിവാഹ ചിത്രങ്ങൾ ഇൻസ്റ്റഗ്രാമിലൂടെ പങ്കുവച്ചിരിക്കുന്നത്. നിരവധി പേരാണ് ഇരുവർക്കും ആശംസകളുമായി എത്തിയിരിക്കുന്നത്.
‘അമ്മൂമ്മ ഇത് നിങ്ങൾക്ക് വേണ്ടി മാത്രം. ഈ ലോകത്തിൽ നിങ്ങൾക്ക് ഏറ്റവും പ്രിയപ്പെട്ട സ്ഥലം’- എന്നാണ് ചിത്രങ്ങൾ പങ്കുവച്ച് താരം കുറിച്ചിരിക്കുന്നത്. ഈ ദിവസം അമ്മ കൂടെ ഉള്ളത് പോലെ തോന്നുന്നു. നിങ്ങൾ എവിടെയായിരുന്നാലും ഏറ്റവും വലിയ പാർട്ടിയാണ് നിങ്ങൾ നടത്തുന്നതെന്ന് എനിക്ക് ഉറപ്പുണ്ട് എന്നും താരം കുറിച്ചിട്ടുണ്ട്. നീല നിറത്തിലെ സാരിയിൽ അതിമനോഹരിയായാണ് അപൂർവയെ കാണാനാവുക.
നിരവധി പേരാണ് പോസ്റ്റിന് കമന്റുമായി എത്തിയത്. തീർച്ചയായും അമ്മൂമ്മ നിങ്ങളുടെ കൂടെ തന്നെ ഉണ്ടെന്നും നിങ്ങളുടെ മുഖത്തെ സന്തോഷം കണ്ടാലേ അറിയാം, അമ്മൂമ്മ കൂടെ ഉണ്ടെന്ന്, രണ്ട് പേർക്കും നല്ലൊരു ജീവിതമാകട്ടെ എന്നൊക്കെയാണ് പോസ്റ്റിന് താഴെ വന്ന കമന്റുകൾ.
രജിസ്റ്റർ വിവാഹം ആയിരുന്നു അപൂർവയുടെയും ധിമന്റെയും. നിയമപരമായി രണ്ട് പേരും പരസ്പരം കുടുങ്ങി എന്ന ക്യാപ്ഷനോടെയായിരുന്നു അപൂർവ വിവാഹം കഴിഞ്ഞ വിവരം സമൂഹ മാദ്ധ്യമങ്ങൾ വഴി അറിയിച്ചത്.
