പ്രഭാസ് നായകനായ ബ്രഹ്മാണ്ഡ ചിത്രം ആദിപുരുഷിന്റെ ഓഡിയോ ലോഞ്ച് നടന്നു. സംഗീത സംവിധായകരായ അജയും അതുലും ചിത്രത്തിലെ ജയ് ശ്രീറാം എന്ന ഗാനം തത്സമയം അവതരിപ്പിച്ചാണ് ഓഡിയോ ലോഞ്ച് നടത്തിയത്. 30-ലധികം കോറസ് ഗായകർക്കൊപ്പമാണ് ഇരുവരും ലൈവ് ഓർക്കസ്ട്ര അവതരിപ്പിച്ചത്. മനോജ് മുൻതാഷിറാണ് ജയ് ശ്രീറാം ഗാനത്തിന് വരികളെഴുതിയത്.
സിനിമയുടെ ആത്മാവ് ജയ് ശ്രീറാമിൽ അധിവസിക്കുന്നുണ്ടെന്ന് ആദിപുരുഷിന്റെ മുഴുവൻ ടീമും വിശ്വസിക്കുന്നു. വരും തലമുറകളിലേക്ക് പ്രതിധ്വനിക്കുന്ന ഗാനമാണിത്. അജയ് അതുൽ ഭൂഷൺ കുമാറും ഓം റൗട്ടും ജയ് ശ്രീ റാം ഗാനത്തിലൂടെ പോസിറ്റിവിറ്റി സൃഷ്ടിച്ചിക്കുകയും പ്രചരിപ്പിക്കുകയും ചെയ്യുന്നു. ആരാധകർക്കായി മാദ്ധ്യമങ്ങൾക്കുമായി ഗാനം സ്ക്രീൻ ചെയ്യുന്നതിനുള്ള പൊതു മാനദണ്ഡം പിന്തുടരാൻ ആഗ്രഹിക്കുന്നില്ലെന്നും അതിനാലാണ് തത്സമയമായി ഗാനം പുറത്തിറക്കുന്നതെന്നും അണിയറ പ്രവർത്തകർ പറഞ്ഞു.
പ്രേക്ഷകർ ആകാംക്ഷയോടെ കാത്തിരിക്കുന്ന ചിത്രമാണ് പ്രഭാസ് നായകനാവുന്ന ആദി പുരുഷ്. ഇതിഹാസ കാവ്യമായ രാമായണത്തെ ആസ്പദമാക്കി ഒരുക്കുന്ന ചിത്രത്തിനും അതിന്റെ അപ്ഡേറ്റുകൾക്ക് വൻ സ്വീകാര്യതയാണ് ലഭിക്കുന്നത്.രണ്ട് മണിക്കൂർ 54 മിനിറ്റാകും ആദിപുരുഷ് സിനിമ എന്നാണ് റിപ്പോർട്ട്. നെറ്റ്ഫ്ളിക്സ് ചിത്രത്തിന്റെ ഡിജിറ്റൽ റൈറ്റ്സ് റെക്കോർഡ് തുകയ്ക്ക് സ്വന്തമാക്കിയെന്നും റിപ്പോർട്ടുണ്ട്. 250 കോടി രൂപയ്ക്കാണ് റൈറ്റ്സ് സ്വന്തമാക്കിയതെന്നാണ് വിവരം. വൻ ബജറ്റിലാണ് ചിത്രം ഒരുങ്ങുന്നതെന്ന് നേരത്തെ തന്നെ റിപ്പോർട്ടുകളുണ്ടായിരുന്നു.
രാമ-രാവണ യുദ്ധം പശ്ചാത്തലമാക്കിയാണ് ചിത്രമൊരുങ്ങുന്നത്. തിന്മയ്ക്ക് മേൽ നന്മയുടെ വിജയം എന്ന പ്രമേയത്തിലാണ് ചിത്രം പ്രേക്ഷകരിലേക്ക് എത്തുന്നത്. ബോളിവുഡ് ചിത്രം താനാജി ഒരുക്കിയ ഓം റൗട്ടാണ് ആദിപുരുഷിന്റെ സംവിധാനം. ടി സീരിസാണ് ചിത്രത്തിന്റെ നിർമ്മാണം. 3ഡിയിലാണ് ചിത്രമൊരുങ്ങുന്നത്. തെലുങ്ക്, മലയാളം, ഹിന്ദി, കന്നഡ, തമിഴ് എന്നീ ഭാഷകളിൽ ചിത്രം പ്രദർശനത്തിനെത്തും. ജൂൺ 16-നാണ് റിലീസ്.
Comments