അമേരിക്കയിലെ നോർത്ത് അരിസോണയിലെ ഗ്രാൻഡ്കാനിയൻ നാഷണൽ പാർക്കിലെത്തിയ ഗാനഗന്ധർവൻ കെ.ജെ. യേശുദാസിന്റെ കൈയിലേക്ക് അണ്ണാറക്കണ്ണൻ കയറിയ ചിത്രങ്ങൾ ശ്രദ്ധേയമാകുന്നു. യേശുദാസ് സുഹൃത്തുക്കൾക്ക് അയച്ച വീഡിയോയിൽ നിന്നാണ് ദൃശ്യങ്ങൾ പുറത്ത് വന്നത്.
എൺപത്തി രണ്ട് വയസ്സ് പിന്നിട്ട യേശുദാസ് രണ്ട് വർഷത്തിലധികമായി മകന്റെ ഡാലസിലെ വസതിയിൽ വിശ്രമജീവിതത്തിലാണ്. എട്ടുതവണ മികച്ച ഗായകനുള്ള ദേശീയ അവാർഡും 25 തവണ സംസ്ഥാന അവാർഡും മറ്റ് നിരവധി അവാർഡുകളും കൂടാതെ പദ്മശ്രീയും പദ്മവിഭൂഷണും ലഭിച്ചിട്ടുണ്ട് യേസുദാസിന്.
പൊതു വേദികളിൽ വെള്ള വസ്ത്രത്തിലാണ് യേശുദാസ് പ്രത്യക്ഷപ്പെടാരുള്ളത്. ചീകിയൊതുക്കാത്ത വെളുത്ത താടിയും തൊപ്പി ധരിച്ചുകൊണ്ടാണ് ഗാനഗന്ധർവ്വൻ ചിത്രത്തിലുള്ളത്. ഒപ്പം കറുത്ത ജാക്കറ്റും വെള്ള പാന്റ്സും വെള്ള ഷൂസും ധരിച്ചിരിക്കുന്നു.
