പത്തനംതിട്ട: ഗവിയിൽ ടൂറിസത്തിന്റെ ഭാഗമായി തടി വീടുകളുടെ നിർമാണം പൂർത്തിയായി. കേരള വനം വികസന കോർപറേഷന്റെ (കെഎഫ്ഡിസി) നേതൃത്വത്തിലാണ് വീടുകൾ നിർമ്മിച്ചത്. കെഎഫ്ഡിസി പാക്കേജിൽ എത്തുന്ന വിനോദസഞ്ചാരികൾക്ക് ഇനിമുതൽ ഈ വീടുകളിൽ താമസിക്കാനാകും.
നിലവിൽ ഗവി അണക്കെട്ടിന് സമീപത്തായാണ് തടി വീടുകൾ നിർമ്മിച്ചിരിക്കുന്നത്. മൂന്ന് വീടുകളാണ് തുടക്കത്തിൽ നിർമ്മിച്ചിരിക്കുന്നത്. തടിവീടുകൾക്ക് സമീപത്തായി രണ്ട് ടെന്റുകളും സ്ഥാപിച്ചിട്ടുണ്ട്. സഞ്ചാരികൾക്ക് ഇതും ഉപയോഗിക്കാവുന്നതാണ്.
തടിവീടുകളിൽ താമസത്തിനായി ഓൺലൈനായി ബുക്ക് ചെയ്യാവുന്നതാണ്. ടൂറിസത്തിന്റെ ഭാഗമായി ഗവിയിൽ സഞ്ചാരികൾക്കു താമസിക്കുന്നതിനുള്ള മറ്റ് മുറികളുടെ നവീകരണ ജോലികളും പുരോഗമിക്കുകയാണ്. കൂടാതെ സഞ്ചാരികൾക്കായി ബോട്ടിങ്, ട്രെക്കിങ് തുടങ്ങിയ വിനോദങ്ങളും ഒരുക്കിയിട്ടുള്ളതായി ഡിവിഷൻ മാനേജർ കെവി സജീർ പറഞ്ഞു. ഫോൺവഴിയും ബുക്ക് ചെയ്യാവുന്നതാണ് . 9947492399, 8289821305.
Comments