ഇസ്ലാമാബാദ്: പാകിസ്താൻ മുൻ പ്രധാനമന്ത്രി ഇമ്രാൻ ഖാന് വീണ്ടും തിരിച്ചടി. മുതിർന്ന രാഷ്ട്രീയക്കാരനും മുൻ ഫെഡറൽ മന്ത്രിയുമായ ഫവാദ് ചൗധരി ബുധനാഴ്ച പാർട്ടിയിൽ നിന്ന് രാജിവച്ചു. താൻ രാഷ്ട്രീയത്തിൽ നിന്നും ഇടവേള എടുക്കുന്നു എന്നു പറഞ്ഞാണ് രാജി.
ഇമ്രാൻ ഖാന്റെ അറസ്റ്റിനെത്തുടർന്ന് മെയ് 9 ന് രാജ്യത്തുടനീളം വലിയ രീതിയിലെ സംഘർഷമാണ് ഉടലെടുത്തത്. നഗരത്തിൽ നടന്ന നശീകരണത്തിനും അക്രമാസക്തമായ പ്രതിഷേധത്തിനും ശേഷം പിടിഐ വിടുന്നതായി പ്രഖ്യാപിച്ച നിരവധി നേതാക്കൾ എത്തിയിരുന്നു. പിന്നാലെയാണ് ഫവാദിന്റെ രാജി.
പാകിസ്താനിൽ സംഭവിച്ച അക്രമങ്ങളെല്ലാം ആസൂത്രിതമായിരുന്നു എന്നാണ് പാർട്ടി വിട്ടുപോയ നേതാക്കൾ പറഞ്ഞത്. സൈനിക കേന്ദ്രങ്ങൾക്ക് നേരെയുള്ള ആക്രമണങ്ങളെ ഖാൻ അപലപിച്ചില്ലെന്നും നേതാക്കൾ പറഞ്ഞിരുന്നു.
Comments