ന്യൂഡൽഹി: പ്രധാനമന്ത്രി നരേന്ദ്രമോദിയുടെ നേതൃത്വത്തിന്റെ കീഴിൽ ഇന്ത്യ ലോകത്തെ വൻശക്തിയാക്കുന്നുവെന്ന് ബിജെപി നേതാവ് രവിശങ്കർ പ്രസാദ്. രാജ്യം പുതിയ ഉയരങ്ങളിലേയ്‌ക്ക് കുതിക്കുന്നുതായും അനുദിനം രാജ്യത്തിന്റെ സ്വീകാര്യത വർദ്ധിക്കുകയാണെന്ന് അദ്ദേഹം വ്യക്തമാക്കി.
ലോകരാഷ്‌ട്രങ്ങൾക്കിടയിൽ സ്വീകാര്യത വർദ്ധിപ്പിച്ചാണ് നരേന്ദ്രമോദി ത്രിരാഷ്‌ട്ര സന്ദർശനം പൂർത്തിയാക്കിയത്. ഭാരതത്തിന്റെ സാമ്പത്തികരംഗം അതിവേഗ പുരോഗതിയിലാണ്. ഇത് ഇന്ത്യയെ വൻശക്തിയാക്കുമെന്നും രവിശങ്കർ പറഞ്ഞു.
ജപ്പാനിലും പാപുവ ഗിനിയയിലും ഓസ്ട്രേലിയയിലും സന്ദർശനം നടത്തിയ പ്രധാനമന്ത്രി നരേന്ദ്രമോദിക്ക് വൻ സ്വീകരണമാണ് ഈ രാജ്യങ്ങളിൽ നിന്നും ലഭിച്ചത്. പാപുവാ ഗിനിയൻ പ്രധാനമന്ത്രി നരേന്ദ്രമോദിയെ വികസ്വര രാജ്യങ്ങളുടെ നേതാവെന്ന് വിശേഷിപ്പിച്ചപ്പോൾ ആസ്ട്രേലിയൻ പ്രധാനമന്ത്രി ആന്റണി ആൽബനീസ് ഇന്ത്യൻ പ്രധാനമന്ത്രിയെ ജനസമ്മതിയുടെ ബോസ് എന്നാണ് വിളിച്ചത്. നരേന്ദ്രമോദിക്കുള്ള ജനപ്രീതി സമാനതകളില്ലാത്തത് എന്നാണ് അമേരിക്കൻ പ്രസിഡന്റ് ജോ ബൈഡൻ പ്രശംസിച്ചത്.
