ഷിംല: ഹിമാലയൻ മേഖലയിൽ ഗവേഷണം വ്യാപിപ്പിക്കണമെന്ന് കേന്ദ്ര ഭൗമ ശാസ്ത്ര മന്ത്രി കിരൺ റിജിജു. ഹിമാലയൻ മേഖലയിൽ ഗവേഷണ പ്രവർത്തനങ്ങൾ വർദ്ധിപ്പിക്കുകയും വിപുലീകരിക്കുകയും ചെയ്യേണ്ടതിന്റെ ആവശ്യകത വളരെ വലുതാണെന്ന് അദ്ദേഹം പറഞ്ഞു. നാഷണൽ സെന്റർ ഫോർ പോളാർ ആൻഡ് ഓഷ്യൻ റിസർച്ച് സന്ദർശിക്കുന്നതിനിടെയാണ് അദ്ദേഹം ഇക്കാര്യം പരാമർശിച്ചത്.
‘ഗവേഷണ പ്രവർത്തനങ്ങൾക്ക് ഹിമാലയൻ മേഖലയിൽ വലിയ സാധ്യതകളാണുള്ളത്. ശാസ്ത്ര സമൂഹത്തിന് അവരുടെ ലക്ഷ്യങ്ങൾ കൈവരിക്കുന്നതിന് ആവശ്യമായ നടപടികളും നയങ്ങളും പിന്തുണയും നൽകുന്നതിനായി സർക്കാർ പ്രതിജ്ഞാബദ്ധരാണ്. ഗവേഷകർ നടത്തുന്ന പ്രവർത്തനങ്ങളെക്കുറിച്ച് പൊതുജനങ്ങളിൽ അവബോധം സൃഷ്ടിക്കുന്നുണ്ട്. ഹിമാലയൻ പ്രദേശങ്ങളിൽ ശാസ്ത്രീയ ഗവേഷണം നടത്തുന്നതിന് കാര്യക്ഷമതയും, പൊതു സ്ഥാപനങ്ങളുടെയും ഏജൻസികളുടെയും സഹായവും അത്യാവശ്യമാണ്. സമുദ്ര ഗവേഷണ രംഗത്ത് എൻസിപിഒആർ കാര്യമായ മുന്നേറ്റം നടത്തുകയും ഇന്ത്യയുടെ പ്രശസ്തി ഒരുപാട് ഉയർത്തുകയും ചെയ്യുന്നുണ്ടെന്ന് റിജിജു പറഞ്ഞു.
