എല്ലാ ഭാരതീയർക്കും ഇത് അവിസ്മരണീയ ദിനം: പ്രധാനമന്ത്രി

ന്യൂഡൽഹി: എല്ലാ ഭാരതീയർക്കും ഇത് അവിസ്മരണീയ ദിനമെന്ന് പ്രധാനമന്ത്രി നരേന്ദ്രമോദി. പുതിയ പാർലമെന്റ് രാജ്യത്തെ ജനങ്ങൾക്ക് അഭിമാനവും പ്രതീക്ഷയും നിറയ്‌ക്കുന്നതാണ്. പ്രൗഢഗംഭീരമായ കെട്ടിടം ജനങ്ങളെ ശാക്തീകരിക്കുക മാത്രമല്ല, രാഷ്‌ട്രത്തിന്റെ സമൃദ്ധിയ്‌ക്കും ശക്തിയ്‌ക്കും പുതിയ ഊർജം പകരുമെന്നും പ്രധാനമന്ത്രി ട്വിറ്ററിൽ കുറിച്ചു.

പുതിയ പാർലമെന്റ് മന്ദിരത്തിന്റെ ഉദ്ഘാടന വേളയിൽ ഹൃദയവും മനസ്സും അഭിമാനവും പ്രതീക്ഷയും കൊണ്ട് നിറഞ്ഞിരിക്കുന്നു. ഈ ഐതിഹാസിക കെട്ടിടം ശാക്തീകരണത്തിന്റെയും സ്വപ്‌നങ്ങളെ ജ്വലിപ്പിച്ച് യാഥാർത്ഥ്യമാക്കുന്നതിന്റെയും ജന്മഭൂമിയായിരിക്കട്ടെ….അത് മഹത്തായ രാജ്യത്തെ പുരോഗതിയുടെ പുതിയ ഉയരങ്ങളിലേക്ക് നയിക്കട്ടെയെന്നും പ്രധാനമന്ത്രി ട്വിറ്ററിൽ കുറിച്ചു.

As the new building of India’s Parliament is inaugurated, our hearts and minds are filled with pride, hope and promise. May this iconic building be a cradle of empowerment, igniting dreams and nurturing them into reality. May it propel our great nation to new heights of progress. pic.twitter.com/zzGuRoHrUS

— Narendra Modi (@narendramodi) May 28, 2023

പാർലമെന്റ് മന്ദിരം നിരവധി അത്യാധുനിക സൗകര്യങ്ങളോടെയാണ് നിർമ്മിച്ചിരിക്കുന്നത്. 1200 കോടി രൂപ ചിലവിൽ പൂർത്തിയാക്കിയ പുതിയ പാർലമെന്റ് മന്ദിരത്തിന്റെ നിർമ്മാണത്തിന് രാജ്യത്തിന്റെ വിവിധ ഭാഗങ്ങളിൽ നിന്ന് കൊണ്ടുവന്ന വസ്തുക്കളും സാമഗ്രികളുമാണ് ഉപയോഗിച്ചിരിക്കുന്നത്.