ന്യൂഡൽഹി: പ്രതിമാസ റേഡിയോ പരിപാടിയായ മൻ കി ബാത്തിന്റെ 101-ാം എപ്പിസോഡിൽ വീർ സവർക്കറെ അനുസ്മരിച്ച് പ്രധാനമന്ത്രി നരേന്ദ്രമോദി. ഇന്ന് മഹാനായ സ്വാതന്ത്ര്യ സമരസേനാനിയുടെ ജന്മവാർഷികമാണ്. അദ്ദേഹത്തിന്റെ ത്യാഗവും ധൈര്യവും നിശ്ചയദാർഢ്യവുമായി ബന്ധപ്പെട്ട കഥകൾ ഇന്നും നമുക്കെല്ലാം പ്രചോദനം നൽകുന്നതാണെന്ന് പ്രധാനമന്ത്രി പറഞ്ഞു.
തന്റെ ആൻഡമാൻ നിക്കോബാർ സന്ദർശനം അനുസ്മരിച്ച പ്രധാനമന്ത്രി, വീർ സവർക്കർ തടവിലാക്കപ്പെട്ട കാലാപാനിയിലെ സെല്ലൂലാർ ജയിൽ സന്ദർശിച്ചത് മറക്കാനാവില്ലെന്നും മൻ കി ബാത്തിൽ അദ്ദേഹം പറഞ്ഞു.
വീർ സവർക്കറുടെ വ്യക്തിത്വം ദൃഢതയും മഹാമനസ്കതയും ഉൾക്കൊള്ളുന്നതാണെന്നും അദ്ദേഹം പറഞ്ഞു. സ്വാതന്ത്ര്യ സമരത്തിന് വേണ്ടി മാത്രമല്ല, സാമൂഹിക സമത്വത്തിനും സാമൂഹിക നീതിക്കും വേണ്ടി വീർ സവർക്കർ ചെയ്തതെല്ലാം ഇന്നും സ്മരിക്കപ്പെടുന്നുണ്ടെന്നും അദ്ദേഹം കൂട്ടിച്ചേർത്തു.
Comments