എറണാകുളം: ലഹരിവസ്തുക്കൾ ഉപയോഗിക്കാത്തവരുടെ ഭാഗത്തുനിന്നും ചിലപ്പോൾ സിനിമയിൽ പ്രശ്നങ്ങൾ ഉണ്ടാകാറുണ്ടെന്ന് നടി മംമ്ത മോഹൻദാസ്. കുടുംബ പ്രശ്നങ്ങളോ മറ്റ് കാരണങ്ങളോ അഭിനയത്തെ ബാധിക്കാം. ലഹരി ഉപയോഗിക്കാത്തവരും സിനിമാ മേഖലയിൽ പ്രശ്നങ്ങൾ സൃഷ്ടിക്കാറുണ്ടെന്ന് നടി മംമ്ത മോഹൻദാസ്.
വികെ പ്രകാശ് സംവിധാനം ചെയ്ത ലൈവ് എന്ന ചിത്രത്തിന്റെ പ്രമോഷന്റെ ഭാഗമായി ദുബായിൽ എത്തിയതായിരുന്നു മംമ്ത മോഹൻദാസ്. മലയാള സിനിമാ ലോകത്ത് പെയ്ഡ് റിവ്യൂകളുടെ കാലമാണിതെന്നായിരുന്നു വികെ പ്രകാശിന്റെ പ്രതികരണം. പണം നൽകിയാൽ നന്നായിട്ടും ഇല്ലെങ്കിൽ മോശമായും ചില ഓൺലൈൻ മാദ്ധ്യമങ്ങൾ സിനിമകളെക്കുറിച്ച് എഴുതുന്നു.
മോശമായി എഴുതുമ്പോൾ അത് പലരെയും ബാധിക്കാറുണ്ട്. ഇന്നത്തെ കാലത്തിനനുസരിച്ച് ജീവിച്ചു പോകണമെന്നും അദ്ദേഹം പറഞ്ഞു. വി കെ പ്രകാശ്, നടി പ്രിയാ വാര്യർ, സമദ് ട്രൂത്ത് എന്നിവരും വാർത്താസമ്മേളനത്തിൽ പങ്കെടുത്തു.
