കായികപ്രമികളെ ഏറെ ആവേശം കൊള്ളിച്ച ഐപിഎൽ പതിനാറാം സീസണിന് ഇന്നലെ തിരശ്ശീല വീണു. വിജയകിരീടം ചൂടിയ ചെന്നൈ സൂപ്പർ കിംഗ്സിനൊപ്പം ബിരിയാണി കൂടി ഇപ്പോൾ താരമാവുകയാണ്.
ആളുകളുടെ ക്രിക്കറ്റ് ഭ്രാന്തിനൊപ്പം ബിരിയാണിയും ഭ്രാന്തായി മാറിയതിന്റെ കണക്കുകൾ പുറത്തുവിട്ടിരിക്കുകയാണ് ഫുഡ് ഡെലിവറി ആപ്പായ സ്വിഗ്ഗി. മിനിറ്റിൽ 212 എന്ന കണക്കിൽ ഐപിഎൽ പതിനാറാം സീസണിൽ 12 ദശലക്ഷം ബിരിയാണി ഓർഡറുകൾ ലഭിച്ചതായി സ്വിഗ്ഗി ട്വീറ്റ് ചെയ്തിരിക്കുകയാണ്.
https://twitter.com/Swiggy/status/1663191294901116929?s=20
‘മിനിറ്റിൽ 212 എന്ന കണക്കിൽ 12 ദശലക്ഷത്തിലധികം ഓർഡറുകളോടെ ഈ സീസണിൽ ഏറ്റവുമധികം ഓർഡർ ചെയ്ത ഭക്ഷണത്തിനുള്ള ട്രോഫി ബിരിയാണി സ്വന്തമാക്കിയെന്ന്’ -സ്വിഗ്ഗി ട്വിറ്ററിൽ കുറിച്ചു. അതേസമയം 2020 ഐപിഎൽ സമയത്ത് ചിക്കൻ ബിരിയാണി, ബട്ടർ നാൻ, മസാല ദോശ എന്നീ ഓർഡറുകളിൽ നിന്ന് ഈപ്രാവശ്യം 30 ശതമാനം വർദ്ധനവ് കണ്ടതായും സ്വിഗ്ഗി വ്യക്തമാക്കി.
Comments