1985 -1989 വരെ മലയാള സിനിമയിൽ നിറഞ്ഞുനിന്ന നടിയാണ് കാർത്തിക. ബാല താരമായി സിനിമയിലെത്തിയ സുനന്ദ എന്ന പെണ്കുട്ടി പിന്നെ സ്ക്രീനില് കാര്ത്തിക എന്ന പേര് സ്വീകരിക്കു കയായിരുന്നു. നിരവധി സിനിമകളിലെ നായിക വേഷങ്ങളിലെ നാടന് സൗന്ദര്യം തുളുമ്പുന്ന രൂപ ഭംഗിയും മിതത്വമാര്ന്ന അഭിനയവും കൊണ്ട് ചുരുങ്ങിയ കാലത്തിനുള്ളില് തന്നെ മലയാളികളുടെ മനസ്സിൽ സ്വപ്ന സുന്ദരിയായി മാറി. മലയാളത്തിന് പുറമേ തമിഴിലും തിളങ്ങാൻ നടിക്ക് സാധിച്ചു.
വിവാഹത്തോടെ കാര്ത്തിക പൂര്ണ്ണമായും സിനിമ അഭിനയം ഉപേക്ഷിക്കുകയായിരുന്നു. 1988ലാണ് ഡോക്ടറായ സുനില് കുമാറിനെ കാര്ത്തിക വിവാഹം ചെയ്യുന്നത്. ഇരുവര്ക്കും വിഷ്ണു എന്ന മകനുമുണ്ട്. വിഷ്ണു ഒരു വെറ്റിനറി സര്ജനും റേഡിയോളജിസ്റ്റുമാണ്. 2019- ലാണ് താരത്തിന്റെ മകന് വിവാഹിതനായത്. അടുത്തിടെ ഇവര്ക്ക് ഒരു കുട്ടിയും ജനിച്ചിരുന്നു. കാര്ത്തിക മുത്തശ്ശിയായതും പേരക്കുട്ടിയുടെ ചോറൂൺ ഗുരുവായൂരിൽ നടത്തിയതും സമൂഹമാദ്ധ്യമത്തിൽ നിറഞ്ഞ വാര്ത്തയായയിരുന്നു. കാര്ത്തിക ഇന്നും മലയാളികള്ക്ക് പ്രിയങ്കരിയാണ്. കാര്ത്തിക നല്ല ഒരു ടെന്നീസ് പ്ലെയറും ക്ലാസിക്കല് ഡാന്സറുമൊക്കെയാണ്. കൂടാതെ കഥകളിയിലും താരം മികവ് പുലര്ത്തിയിട്ടുണ്ട്. ഇത്തരം കലകള് അഭ്യസിച്ചിട്ടുള്ളതിനാല് തന്നെ കാര്ത്തികയ്ക്ക് അഭിനയത്തില് അതിന്റേതായ മികവ് പുലര്ത്താന് കഴിഞ്ഞിട്ടുണ്ട്.
തിരുവനന്തപുരത്ത് പികെആര് നായരുടെ മകളായിട്ടാണ് കാര്ത്തിക എന്ന സുനന്ദ നായര് ജനിക്കുന്നത്. പ്രഭാത സന്ധ്യ എന്ന ചിത്രത്തിൽ ബാലതാരമായിട്ടാണ് സുനന്ദ സിനിമയിൽ എത്തുന്നത്. 1985ല് പുറത്തിറങ്ങിയ മണി ചെപ്പ് തുറന്നാല് എന്ന ചിത്രത്തിലൂടെയാണ് താരം ആദ്യമായി നായികയായി അരങ്ങേറുന്നത്. സംവിധായകനായ ബാലചന്ദ്ര മേനോൻ ആണ് കാർത്തികയെ മലയാളത്തിലേക്ക് കൊണ്ടുവന്നത്. കൂടുതൽ ചിത്രങ്ങളിലും മോഹൻലാലിന്റെ നായികയായിട്ടാണ് കാർത്തിക അഭിനയിച്ചിട്ടുള്ളത്. തമിഴ് ചിത്രമായ നായകൻ എന്ന ചിത്രത്തിൽ കമലഹാസന്റെ ഒപ്പം അഭിനയിച്ചു.
പത്മരാജൻ സംവിധാനം ചെയ്ത ദേശാടനക്കിളി കരയാറില്ല എന്ന ചിത്രത്തിലെ കാർത്തികയുടെ വേഷം ശ്രദ്ധിക്കപ്പെട്ടു. പിന്നീട് കരിയിലക്കാറ്റ് പോലെ , സന്മനസ്സുള്ളവര്ക്ക് സമാധാനം, ഗാന്ധി നഗര് സെക്കന്ഡ് സ്ട്രീറ്റ്, നീയെത്ര ധന്യ, ജനുവരി ഒരു ഓര്മ്മ, ഉണ്ണികളേ ഒരു കഥ പറയാം, ഇടനാഴിയിൽ ഒരു കാലൊച്ച, താളവട്ടം, കമല്ഹാസന്റെ നായകന് തുടങ്ങിയ ഇരുപതോളം ചിത്രങ്ങളിൽ നടി വേഷമിട്ടു. കുറച്ച് ചിത്രങ്ങളില് മാത്രമേ താരം അഭിനയിച്ചിരുന്നുള്ളുവെങ്കിലും ഇന്നും മലയാളികളുടെ മനസില് തങ്ങി നില്ക്കുന്ന ഒരു പിടി നല്ല കഥാപാത്രങ്ങള് ചെയ്യാന് ഈ താരത്തിന് കഴിഞ്ഞിട്ടുണ്ട്. താരം കൂടുതല് സിനിമകളും ചെയ്തത് മോഹന്ലാലിനൊപ്പം ആയിരുന്നു. 1991ല് പുറത്തിറങ്ങിയ ആവണിക്കുന്നിലെ കിന്നരിപ്പുക്കൾ എന്ന ചിത്രമായിരുന്നു താരം അവസാനമായി അഭിനയിച്ചത്.
Comments