മുൻനിര നടന്മാർ പലപ്പോഴും പല ചിത്രങ്ങളിൽ നിന്നും പിന്മാറുകയോ വേണ്ട എന്ന് വയ്ക്കുകയോ ചെയ്യാറുണ്ട്. എന്നാൽ അത്തരത്തിൽ ഒഴിവാക്കിയ പല ചിത്രങ്ങളും വമ്പൻ ഹിറ്റുകളാണ് മലയാളത്തിലേക്ക് കൊണ്ടുവന്നത്. അത്തരത്തിലൊന്നാണ് സംഗീത് ശിവന്റെ വ്യൂഹം എന്ന ചിത്രം. പ്രശ്സ്ത ഫോട്ടോഗ്രാഫർ ആയിരുന്ന സംഗീത് ശിവന്റെ ആദ്യ ചിത്രമായിരുന്നു വ്യുഹം. 1987- ൽ പുറത്തിറങ്ങിയ ലേതൽ വേപ്പൺ അമേരിക്കൻ ആക്ഷൻ ത്രില്ലർ ചലചിത്രം മലയാളത്തിലേക്ക് കൊണ്ടുവരുകയായിരുന്നു സംഗീത് ശിവന്റെ ലക്ഷ്യം.
അതിനെ അടിസ്ഥാനമാക്കി സാബ് ജോണിനൊപ്പം ചേർന്ന് സംഗീത് ശിവൻ തിരക്കഥ എഴുതി. സഹോദരൻ സന്തോഷ് ശിവൻ ക്യാമറ ചലിപ്പിച്ചു. വ്യൂഹം എന്ന ചിത്രത്തിന്റെ ജനനമായിരുന്നു അത്. ആദ്യമായി ഒരു സിനിമ സംവിധാനം ചെയ്യാൻ തീരുമാനിച്ചപ്പോൾ മമ്മൂട്ടിയെ നായകനാക്കാനാണ് അദ്ദേഹം ആഗ്രഹിച്ചത്. അതിനായി അയാൾ മമ്മുട്ടിയെ സമീപിച്ചെങ്കിലും നടൻ അതിൽ നിന്ന് പിന്മാറി. അദ്ദേഹം വലിയ താൽപ്പര്യം പ്രകടിപ്പിച്ചില്ല.
നടന്റെ അപ്രീതിയ്ക്ക് കാരണമായത് ആഗസ്റ്റ് 1 എന്ന സിനിമ ആയിരുന്നു. മലയാളത്തിന്റെ മെഗാസ്റ്റാർ മമ്മൂട്ടിയുടെ ചിത്രങ്ങളിൽ സൂപ്പർഹിറ്റ് സിനിമയായിരുന്നു ആഗസ്റ്റ് 1. സിബി മലയിലാണ് സിനിമ സംവിധാനം ചെയ്തത്. 1973ൽ പുറത്തിറങ്ങിയ ബ്രിട്ടീഷ് ഫ്രഞ്ച് പൊളിറ്റിക്കൽ ത്രില്ലറായ ദി ഡേ ഓഫ് ദി ജക്കാൾ എന്ന ചിത്രമാണ് മലയാളത്തിൽ ആഗസ്റ്റ് 1 എന്ന പേരിൽ എത്തിയത്. എന്നാൽ വിദേശ ചിത്രങ്ങളുടെ കഥകൾ കടമെടുത്ത് തുടർച്ചയായി സിനിമകൾ ചെയ്യേണ്ടതില്ലെന്ന് മമ്മൂട്ടി തീരുമാനിക്കുകയായിരുന്നു. അതുകൊണ്ടാണ് വ്യൂഹത്തിൽ നിന്ന് മമ്മൂട്ടി പിൻമാറി. മമ്മൂട്ടി അവതരിപ്പിക്കേണ്ടിരുന്ന ടോണി ലൂയിസ് എന്ന നായക കഥാപാത്രത്തെ വ്യൂഹത്തിൽ പിന്നീട് അവതരിപ്പിച്ചത് രഘുവരൻ ആയിരുന്നു. 1990 ൽ ഇറങ്ങിയ വ്യൂഹം ബംബർ ഹിറ്റ് ചിത്രമായി മാറുകയും ചെയ്തു.
Comments