ഛത്രപതി സംഭാജി മഹാരാജിനെക്കുറിച്ചുള്ള ചിത്രത്തിനായി ബോളിവുഡ് നടൻ വിക്കി കൗശൽ ശരീരഭാരം കൂട്ടുന്നു. ചിത്രത്തിനായുള്ള വിക്കി കൗശലിന്റെ തയ്യാറെടുപ്പിനെക്കുറിച്ചുള്ള വിശദാംശങ്ങൾ സിനിമയുടെ സംവിധായകനും നിർമ്മാതാവും കൂടിയായ ലക്ഷ്മൺ ഉടേക്കറാണ് ഇപ്പോൾ വെളിപ്പെടുത്തിയിരിക്കുന്നത്. പ്രമുഖ ഓൺലൈൻ മാദ്ധ്യമത്തിന് നൽകിയ അഭിമുഖത്തിലാണ് അദ്ദേഹം ഇക്കാര്യങ്ങൾ പറഞ്ഞത്.
‘നമുക്കെല്ലാവർക്കും അറിയാവുന്നതുപോലെ വിക്കി വളരെ മികച്ച പ്രകടനമാണ് ഓരോ സിനിമയിലും കാഴ്ച വെയ്ക്കുന്നത്. മികച്ച അഭിനേതാവ് എന്നതിലുപരി വിക്കി ഒരു അത്ഭുതപ്പെടുത്തുന്ന വ്യക്തി കൂടിയാണ്. ഛത്രപതി സംഭാജി മഹാരാജിനെക്കുറിച്ചുള്ള ചിത്രത്തിന് തിരക്കഥ തയ്യാറായപ്പോൾ, സാംഭാജി മഹാരാജുമായി പൊരുത്തപ്പെടുന്ന ഒരു നടനെയാണ് ഞങ്ങൾ ആഗ്രഹിച്ചത്. ആ വ്യക്തിത്വവും ആ ശാരീരികക്ഷമതയും ഒക്കെ ഇന്നത്തെ യുവതാരങ്ങളിൽ വിക്കിയ്ക്ക് മാത്രമേയുള്ളൂ. സാംഭാജി മഹാരാജിന്റെ മികച്ച കാസ്റ്റിംഗായിരിക്കും വിക്കി.
ഏറെ പ്രതീക്ഷയോടെ കാത്തിരിക്കുന്ന ഈ ചിത്രത്തിൽ വിക്കിയാണ് ഛത്രപതി സംഭാജി മഹാരാജിന്റെ വേഷം ചെയ്യുന്നത്. സിനിമയുടെ ചിത്രീകരണം സെപ്റ്റംബറിൽ ആരംഭിക്കും. ഇതിനോടകം പ്രീ-പ്രൊഡക്ഷനിലാണ്, രണ്ട് മാസം മുമ്പ് തയ്യാറെടുപ്പുകൾ ആരംഭിച്ചു. 100 കിലോയിൽ കൂടുതൽ വണ്ണം കൂട്ടണം എന്നത് നോക്കിയാണ് വിക്കിയുടെ പരിശീലനം നടക്കുന്നത്. കുതിര സവാരി, വാൾ പയറ്റ് അങ്ങനെ എല്ലാ പരിശീലനങ്ങളും നടക്കുന്നു. ബാക്കിയുള്ള കാസ്റ്റിംഗ് നടന്നുകൊണ്ടിരിക്കുകയാണ് ‘- ലക്ഷ്മൺ പറഞ്ഞു.
Comments