പ്രിയതമയ്ക്ക് പിറന്നാൾ ആശംസകളുമായി നടൻ മോഹൻലാൽ. ‘ജന്മദിനാശംസകൾ,’പ്രിയ സുചിയ്ക്ക്’.. അനന്തമായ സ്നേഹത്തോടും പ്രാർത്ഥനകളോടുമുള്ള അനുഗ്രഹീത വർഷം ആശംസിക്കുന്നു എന്നാണ് മോഹൻലാൽ സോഷ്യൽ മീഡിയയിൽ കുറിച്ചത്. ഭാര്യയോടൊപ്പമുള്ള ചിത്രത്തിനൊപ്പമാണ് മോഹൻലാൽ പിറന്നാൾ ആശംസ പങ്കുവെച്ചത്.
താരത്തിന്റെ ആശംസകൾക്ക് പിന്നാലെ നിരവധി പേരാണ് സുചിത്രയ്ക്ക് പിറന്നാൾ ആശംസകളുമായി രംഗത്തെത്തിയത്. അന്തരിച്ച തമിഴ് നടനും നിർമ്മാതാവുമായ കെ. ബാലാജിയുടെ മകളാണ് സുചിത്ര. 1988 ഏപ്രിൽ 28-നാണ് മോഹൻലാലിന്റെയും സുചിത്രയുടെയും വിവാഹം നടന്നത്. അടുത്തിടെ ജപ്പാനിൽ വെച്ച് ഇരുവരുടെയും 35-ാം വിവാഹ വാർഷികം മോഹൻലാലും സുചിത്രയും ആഘോഷിച്ചിരുന്നു.
