അബുദാബി: ലുലു ഗ്രൂപ്പ് ചെയർമാൻ എം.എ. യൂസഫലിയുടെ സഹോദരനും ലുലു എക്സിക്യൂട്ടീവ് ഡയറക്ടറുമായ എം.എ. അഷ്റഫ് അലിയുടെ മകളുടെ വിവാഹത്തിനെത്തിയ താരങ്ങളുടെ ചിത്രങ്ങളാണ് വെെറലാകുന്നത്. അബുദാബി എമിറേറ്റ്സ് പാലസിൽ വെച്ച് നടന്ന ചടങ്ങിൽ അറബ് – ഇന്ത്യൻ പ്രമുഖരുടെ നിറ സാന്നിധ്യമുണ്ടായിരുന്നു. മലയാള സിനിമാ മേഖലയിലെ നിരവധി താരങ്ങളും പങ്കെടുത്തിരുന്നു. ഇപ്പോഴിതാ വിവാഹത്തിനെത്തിയ ദിലീപിന്റെയും കാവ്യയുടെയും മകൾ മഹാലക്ഷ്മിയുടെയും വീഡീയോയാണ് സമൂഹമാദ്ധ്യമങ്ങളിൽ ശ്രദ്ധനേടുന്നത്.
പൊതു ഇടങ്ങളിലെത്തുമ്പോൾ ദിലീപും കാവ്യയും മകൾ മഹാലക്ഷ്മിയും എല്ലാവരുടെയും ശ്രദ്ധപിടിച്ചു പറ്റുക പതിവാണ്. എന്നാൽ മോഹൻലാലിന് കെെകൊടുക്കുന്ന മഹാലക്ഷ്മിയുടെ വീഡിയോ കണ്ണെടുക്കാതെ നോക്കി നിൽക്കുകയായാണ് ആരാധകർ. ലാലേട്ടനോട് കാവ്യ സംസാരിക്കുമ്പോൾ മഹാലക്ഷ്മി മറയുന്നതും തുടർന്ന് ലാലേട്ടൻ കുഞ്ഞ് താരപുത്രിയെ കൗതുകത്തോടെ നോക്കുന്നതും വീഡിയോയുടെ ഭംഗികൂട്ടുന്നു. തുടർന്ന് മറഞ്ഞു നിന്ന മഹാലക്ഷ്മിയെ വിളിക്കാൻ ദിലീപിനോട് മോഹൻലാൽ ആവിശ്യപ്പെടുകയും ചെയ്തു. പിന്നാലെ ദിലീപിനൊപ്പൊമാണ് താരപുത്രി ലാലേട്ടന് കെെ നൽകുന്നത്. മഹാലക്ഷ്മിയെ കാത്ത് നിൽക്കുന്ന സൂപ്പർസ്റ്റാറിന്റെ നിഷികളങ്കതയും പ്രക്ഷക ശ്രദ്ധ നേടുന്നുണ്ട്.
https://www.youtube.com/shorts/mQOvyK5uC48
സിനിമാ മേഖലയിൽ നിന്നും മമ്മൂട്ടി, സുൾഫത്ത്, മോഹൻലാൽ, സുചിത്ര, ജയറാം, പാർവ്വതി, കാളിദാസ്, മാളവിക, ദിലീപ്, കാവ്യാ മാധവൻ, കുഞ്ചാക്കോ ബോബൻ, പ്രിയ, ജയസൂര്യ, സരിത, ആസിഫ് അലി, സമ, ടോവിനോ തോമസ്, ജോജു ജോർജ്ജ്, ആൻ്റോ ജോസഫ്, രമേഷ് പിഷാരടി, അപർണ്ണ ബാലമുരളി എന്നിവരുടെ സാന്നിധ്യം ശ്രദ്ധേയമായി.
യു.എ.ഇ. ക്യാബിനറ്റ് അംഗം ശൈഖ് നഹ്യാൻ ബിൻ മുബാറക് അൽ നഹ്യാൻ, യു.എ.ഇ. വിദേശ കാര്യ വകുപ്പ് സഹമന്ത്രി ശൈഖ് ശഖ്ബൂത്ത് ബിൻ നഹ്യാൻ അൽ നഹ്യാൻ, യു.എ.ഇ. ധനകാര്യ വകുപ്പ് അണ്ടർ സെക്രട്ടറി യൂനസ് ഹാജി അൽ ഖൂരി, അബുദാബി ഇൻവെസ്റ്റ്മെൻ്റ് അതോറിട്ടി ഡയറക്ടർ ബോർഡ് അംഗം ഖലീൽ മുഹമ്മദ് ഫൗലാദി, സൗദി അറേബ്യയിലെ ഒത്തൈം ഗ്രൂപ്പ് വൈസ് ചെയർമാൻ ശൈഖ് ഫഹദ് അൽ ഒത്തൈം, ശൈഖ് ഖാലിദ് അൽ സലൈമി ഉൾപ്പെടെ നിരവധി അറബ് പ്രമുഖർ പങ്കെടുത്തു.
യു.എ.ഇ.യിലെ ഇന്ത്യൻ സ്ഥാനപതി സജ്ഞയ് സുധീർ, ഇറ്റാലിയൻ സ്ഥാനപതി ലോറൻസൊ ഫനാറ, അയർലണ്ട് സ്ഥാനപതി അലിസൺ മിൽട്ടൻ, പി.വി. അബ്ദുൾ വഹാബ് എം.പി, ആസ്റ്റർ ഡി.എം. ഹെൽത്ത് കെയർ ചെയർമാൻ ഡോ: ആസാദ് മൂപ്പൻ, പി.വി.ആർ. സിനിമ ചെയർമാൻ അജയ് ബിജലി, ജോയ് ആലുക്കാസ്, ഐക്കിയ മാനേജിംഗ് ഡയറക്ടർ വിനോദ് ജയൻ, സ്റ്റാർ ഇന്ത്യ പ്രസിഡണ്ട് കെ. മാധവൻ, എക്സ്പ്രസ് ഗ്രൂപ്പ് ചെയർമൻ അബ്ദുൾ ഖാദർ തെരുവത്ത്, മലബാർ ഗ്രൂപ്പിൽ നിന്നും എം.പി. അഹമ്മദ്, ഷം ലാൽ അഹമ്മദ്, എസ്. എഫ്, സി. ഗ്രൂപ്പ് ചെയർമാൻ മുരളീധരൻ, റീജൻസി ഗ്രൂപ്പ് ചെയർമാൻ ഷംസുദ്ധീൻ ബിൻ മൊഹിയുദ്ദീൻ ഉൾപ്പെടെയുള്ള പ്രമുഖരും സംബന്ധിച്ചു.
