മലയാള സിനിമയിലെ അതുല്യ കലാകാരൻമാരാണ് ശ്രീനിവാസനും ജഗദീഷും. മലയാള സിനിമയിൽ നിരവധി ഹിറ്റുകൾ സമ്മാനിച്ച നടനും സംവിധായകനുമായ ശ്രീനിവാസന്റെ സിനിമകളിൽ പലപ്പോഴും വ്യത്യസ്ത കഥാപാത്രങ്ങളാണ് നടൻ ജഗദീഷിന് ലഭിച്ചിട്ടുള്ളത്. ഇപ്പോഴിതാ അതേ കുറിച്ച് രസകരമായി സംസാരിക്കുകയാണ് ശ്രീനിവാസനും ജഗദീഷും.
ഒരു അദ്ധ്യാപകനായിരുന്ന തനിക്ക് ശ്രീനിവാസൻ തന്നിരുന്ന വേഷം കുളിമുറിയിൽ ഒളിഞ്ഞു നോക്കുക, മോഷ്ടിച്ചുകൊണ്ട് പോവുക തുടങ്ങിയവ ആയിരുന്നെന്ന് ജഗദീഷ്. ടെലിവിഷൻ പരിപാടിക്കിടെ അതിഥിയായി എത്തിയപ്പോഴായിരുന്നു ജഗദീഷിന്റെ വാക്കുകൾ. ഒരു അദ്ധ്യാപകന് അനുസരിച്ചുള്ള ഒരു കഥാപാത്രം പോലും എനിക്ക് നൽകിയിട്ടില്ലെന്ന് ശ്രീനിവാസനെ കുറിച്ച് ജഗദീഷ് പറഞ്ഞു.
താൻ അദ്ധ്യാപകൻ ആയിരുന്നിട്ടും ശ്രീനിവാസൻ സിനിമകളിൽ തനിക്ക് തന്നിരുന്ന വേഷം ശോഭനയുടെ കുളിമുറിയിൽ ഒളിഞ്ഞു നോക്കുന്നതും, വരവേൽപ്പ് സിനിമയിൽ മോഹൻലാലിന്റെ പണമെല്ലാം അടിച്ചു കൊണ്ടുപോകുന്ന കള്ളൻ ആയിട്ടും തുടങ്ങിയ നെഗറ്റീവ് വൈബ് ഉള്ള വേഷങ്ങളാണ്. ഈ മനുഷ്യന്, അദ്ധ്യാപകൻ ആണെന്നുള്ള നിലയിൽ തനിക്ക് കുറച്ചുകൂടി നല്ല വേഷങ്ങൾ തരാമായിരുന്നില്ലേ എന്ന് ശ്രീനിവാസനോട് ജഗദീഷ് തമാശയ്ക്ക് ചോദിക്കുകയുണ്ടായി.
എന്നാൽ എല്ലാ കാലത്തും തന്റെ അഭിപ്രായങ്ങളെ മുഖം നോക്കാതെ വെട്ടി തുറന്നു പറഞ്ഞു ശീലമുള്ള ആളാണ് ശ്രീനിവാസൻ. അതിനാൽ ഈസമയം ശ്രീനിവാസന്റെ മറുപടിയായിരുന്നു ഏറെ രസകരം. ‘താങ്കൾ അദ്ധ്യാപകനായിരുന്ന ആ ജോലി വേണ്ട എന്ന് വച്ചിട്ടാണ് സിനിമ മേഖലയിലേക്ക് വന്നത്, അപ്പോൾ പിന്നെ താങ്കൾക്ക് വേണ്ടാത്ത ജോലി ഞാൻ എന്തിന് കൺസിഡർ ചെയ്യണം എന്നാണ് ശ്രീനിവാസൻ ജഗദീഷിനോട് ചോദിച്ചത്’.
കുറിക്ക് കൊള്ളുന്ന ചോദ്യങ്ങൾക്ക് അതിലും കുറിക്ക് കൊള്ളുന്ന രീതിയിൽ തന്നെ മറുപടി നൽകുന്നതാണ് ശ്രീനിവാസന് എന്നും ശീലം. അദ്ദേഹത്തിന്റെ ഇന്റർവ്യൂകളിൽ നിന്ന് മലയാളി പ്രേക്ഷകർക്ക് അത് വ്യക്തമാണ്. ശ്രീനിവാസന്റെ നർമ്മബോധവും ഏറെ ചർച്ചയായിട്ടുണ്ട്.
Comments