താരജോഡികളായ നയൻതാരയുടെയും വിഘ്നേശ് ശിവന്റെയും മക്കളായ ഉയിരിന്റെയും ഉലകത്തിന്റെയും വിശേഷങ്ങളറിയാൻ ആരാധകർ ഏറെ കാത്തിരിക്കാറുണ്ട്.
കുഞ്ഞുങ്ങളുടെ മുഖവും ഇരുവരും ഇതുവരെയും പുറത്തുകാണിച്ചിരുന്നില്ല. എന്നാൽ ഇപ്പോഴിതാ ഉയിരിന്റെയും ഉലകത്തിന്റെയും മുഖം കാണിച്ചുകൊണ്ടുള്ള ചിത്രം ആരാധകർക്കായി പങ്കുവെച്ചിരിക്കുകയാണ് വിഘ്നേശ്.
നയൻതാരയുടെയും വിഘ്നേശ് ശിവന്റെയും വിവാഹം കഴിഞ്ഞ് ഒന്നാം വിവാഹ വാർഷികമാണിന്ന്. വിവാഹവാർഷികത്തോടനുബന്ധിച്ചാണ് മക്കളുടെ ചിത്രങ്ങൾ പരിചയപ്പെടുത്തുന്നതിനായി വിക്കി ഈ ദിവസം തന്നെ തിരഞ്ഞെടുത്തത്. നയൻതാര കുഞ്ഞുങ്ങളെ നെഞ്ചോട് ചേർത്ത് പിടിച്ചു നിൽക്കുന്ന ചിത്രങ്ങളാണ് വിഘ്നേശ് പോസ്റ്റ് ചെയ്തിരിക്കുന്നത്.
രണ്ട് പേരുടെയും സൈഡ് പോസാണ് വിക്കി പങ്കുവെച്ചിരിക്കുന്ന ചിത്രങ്ങളിൽ കാണാൻ സാധിക്കുന്നത്. രുദ്രനിൽ എൻ ശിവൻ, ഉലക ദൈവിക എൻ ശിവ എന്നിങ്ങനെയാണ് മക്കളുടെ ഔദ്യോഗിക പേരുകൾ. ഏറെ നാളത്തെ പ്രണയത്തിന് ശേഷം 2022 ജൂൺ ഒമ്പതിനായിരുന്നു ഇരുവരും വിവാഹിതരാകുന്നത്. വിവാഹ ദിനത്തോടനുബന്ധിച്ച് ഇരുവരും ഒന്നിച്ചുള്ള ചിത്രവും വിഘ്നേശ് പങ്കുവെച്ചിരുന്നു. ഇന്നലെ കല്യാണം കഴിഞ്ഞതുപോലെ തോന്നുമ്പോഴാണ് സുഹൃത്തുക്കൾ വിവാഹവാർഷിക ആശംസകൾ അയയ്ക്കുന്നത്. ഉയരിനും ഉലകിനും ഒപ്പം ഞങ്ങളുടെ വിവാഹ ജീവിതം രണ്ടാം വർഷത്തിലേക്ക് എന്നിങ്ങനെയാണ് വിഘ്നേശ് പോസ്റ്റിനൊപ്പം കുറിച്ചത്.
